ఎన్టీఆర్ నటించిన ‘దేవర’ చిత్రం, కార్తి సినిమా ‘సత్యం సుందరం’ శుక్రవారం సెప్టెంబర్ 27న థియేటర్స్‌‌‌‌‌‌‌‌కు వస్తున్నాయి. మరోవైపు ఈ వారం ఓటీటీ స్ట్రీమింగ్ కోసం వరుస చిత్రాలు క్యూ కట్టాయి. అందులో నాని హీరోగా వచ్చిన ‘సరిపోదా శనివారం’ సినిమా గురువారం నుంచే స్ట్రీమింగ్ అవుతోంది. నెట్‌‌‌‌‌‌‌‌ఫ్లిక్స్‌‌‌‌‌‌‌‌లో ఇది అందుబాటులో ఉంది. హారర్ కంటెంట్‌‌‌‌‌‌‌‌తో మెప్పించిన ‘డిమాంటి కాలనీ 2’ చిత్రం ఇవాళ శుక్రవారం (సెప్టెంబర్ 27) నుంచి స్ట్రీమింగ్‌‌‌‌‌‌‌‌కి వస్తోంది. జీ5 ఓటీటీలో చూడొచ్చు.
పొలిటికల్ బ్యాక్‌‌‌‌‌‌‌‌డ్రాప్‌‌‌‌‌‌‌‌లో నారా రోహిత్ హీరోగా వచ్చిన ‘ప్రతినిధి 2’ కూడా ఈ ఫ్రైడే నుంచి ఆహా ఓటీటీలో స్ట్రీమింగ్ అవుతోంది. భారీ వసూళ్లతో ఇండియన్ సినిమాలతో పాటు బాలీవుడ్‌‌‌‌‌‌‌‌లో కొత్త రికార్డులు క్రియేట్‌ చేసిన ‘స్త్రీ 2’ కూడా ఈ వారం ఓటీటీలోకి వచ్చేసింది. శ్రద్ధాకపూర్ నటించిన ఈ హారర్ మూవీ అమెజాన్ ప్రైమ్ వీడియోలో స్ట్రీమింగ్ అవుతోంది. కానీ రెంట్ బేసిస్ మీద (రూ.349) ఇది అందుబాటులోకి వచ్చింది.
Also Read :- ఎన్టీఆర్ ఫ్యాన్స్ రచ్చ..థియేటర్ అద్దాలు, ఫర్నీచర్స్ ధ్వంసం
ఇక శోభిత లీడ్ రోల్‌‌‌‌‌‌‌‌లో నటించిన ‘లవ్ సితార’ చిత్రాన్ని శుక్రవారం నుంచి జీ5 ఓటీటీలో చూసేయొచ్చు. ఇప్పటికే డిస్నీ ప్లస్ హాట్‌ స్టార్‌‌‌‌‌‌‌‌‌‌‌‌‌‌‌‌లో స్ట్రీమింగ్ అవుతున్న హిందీ చిత్రాలు ముంజ్య, కిల్.. ఇప్పుడు తెలుగు ఆడియోతో అందుబాటులోకి వచ్చాయి. అలాగే ఇదే ఓటీటీలో ‘వాళ’ అనే మలయాళ చిత్రం, ఈటీవీ విన్‌‌‌‌‌‌‌‌లో ‘ఆర్‌‌‌‌‌‌‌‌‌‌‌‌‌‌‌‌టిఐ’ సినిమా స్ట్రీమ్ అవుతున్నాయి. ఇవికాక నెట్‌ ఫ్లిక్స్‌‌‌‌‌‌‌‌లో పలు ఇంగ్లీష్ వెబ్‌ సిరీస్‌‌‌‌‌‌‌‌లు స్ట్రీమింగ్ అవుతున్నాయి.
