పిట్లం,వెలుగు: రాష్ట్ర ప్రభుత్వం ప్రకటించిన ఆరు గ్యారంటీలను అర్హులందరికీ అందేలా చూస్తానని జుక్కల్ఎమ్మెల్యే తోట లక్ష్మీకాంత్రావు పేర్కొన్నారు. సోమవారం జుక్కల్ లో నిర్వహించిన విజయోత్సవ సభలో ఆయన పాల్గొన్నారు.
ఎమ్మెల్యే తోట మాట్లాడుతూ జుక్కల్ నియోజకవర్గాన్ని అన్ని రంగాల్లో అభివృద్ధి చేయడమే లక్ష్యంగా ముందుకు సాగుతున్నట్లు చెప్పారు. తాను ఎమ్మెల్యేగా గెలవడానికి కృషి చేసిన ప్రతీ కార్యకర్తను గుర్తుపెట్టుకుంటానన్నారు. అనంతరం పూజలు చేసి ఎమ్మెల్యే క్యాంప్ఆఫీస్ ను ప్రారంభించారు. కార్యక్రమంలో జుక్కల్ కాంగ్రెస్ నాయకులు పాల్గొన్నారు.
