భిక్కనూరు, వెలుగు: భిక్కనూరు మండల కేంద్రంలో రూ. 27 కోట్ల 87లక్షల 90 వేలతో చేపట్టిన సీసీరోడ్లు, సంఘ భవనాలు, డ్రైనెజీలతో పాటు పలు పనులను ఆదివారం ప్రభుత్వ విప్ గంపగోవర్ధన్ ప్రారంభించారు. ఈసందర్భంగా ఆయన మాట్లాడుతూ కామారెడ్డి నియోజకవర్గంలో రూ. వేల కోట్లతో గ్రామాలను అభివృద్ధి చేస్తున్నట్టు తెలిపారు.
కామారెడ్డి నుంచి ఎమ్మెల్యేగా పోటీ చేస్తున్న సీఎం కేసీఆర్ మళ్లీ అధికారంలోకి రాగానే సీదరామేశ్వర మహాక్షేత్రం మరో యాదాద్రిని తలపించేలా అభివృద్ధి చేస్తారని చెప్పారు. ఈ కార్యక్రమంలో టౌన్ సర్పంచ్ తునికి వేణు, టెంపుల్ చైర్మెన్ అందె మహేందర్ రెడ్డి, ఎంపీపీ గాల్రెడ్డి, జడ్పీటీసీ పద్మ, పార్టీ మండలాధ్యక్షుడు నరసింహారెడ్డి,ఎంపీటీసీలు చంద్రకళ రాములు, ప్రభాకర్, బాబు పాల్గొన్నారు.
