- నిందితుల మొబైల్ ఫోన్లు స్వాధీనం
హైదరాబాద్, వెలుగు: చైల్డ్ పోర్నోగ్రఫీని డౌన్‌‌‌‌‌‌‌‌‌‌‌‌‌‌‌‌లోడ్‌ చేసుకుని సోషల్‌ మీడియాలో సర్క్యులేట్‌ చేస్తున్న ముగ్గురిని హైదరాబాద్ సైబర్ క్రైం పోలీసులు ఆదివారం అరెస్ట్ చేశారు. నిందితుల నుంచి మొబైల్ ఫోన్లు స్వాధీనం చేసుకున్నారు. మెదక్‌ జిల్లా ప్రైవేట్‌ ఉద్యోగి (35), హైదరాబాద్ వెల్డర్‌ (36), స్టూడెంట్‌ (22)ను అరెస్ట్ చేసి సోమవారం రిమాండ్‌‌‌‌‌‌‌‌‌‌‌‌‌‌‌‌కు తరలించామని సైబర్ క్రైమ్స్‌ డీసీపీ కవిత సోమవారం ఓ ప్రకటనలో వెల్లడించారు. పలు వెబ్‌‌‌‌‌‌‌‌‌‌‌‌‌‌‌‌సైట్ల నుంచి చైల్డ్ పోర్నోగ్రఫీని డౌన్‌‌‌‌‌‌‌‌‌‌‌‌‌‌‌‌లోడ్‌ చేసుకుంటున్న వారిపై ‘నేషనల్ సెంటర్ ఫర్ మిస్సింగ్‌ అండ్‌ ఎక్స్‌‌‌‌‌‌‌‌‌‌‌‌‌‌‌‌ప్లోయిటెడ్ చిల్డ్రన్‌’ నిఘా పెట్టింది.
చిన్నారులపై జరుగుతున్న నేరాలను గుర్తించేందుకు సైబర్ టిప్‌‌‌‌‌‌‌‌‌‌‌‌‌‌‌‌లైన్‌ ద్వారా ఆన్‌‌‌‌‌‌‌‌‌‌‌‌‌‌‌‌లైన్లో పెట్రోలింగ్‌ నిర్వహిస్తోంది. ఇన్‌‌‌‌‌‌‌‌‌‌‌‌‌‌‌‌స్టాగ్రాం, స్నాప్‌‌‌‌‌‌‌‌‌‌‌‌‌‌‌‌చాట్‌ లాంటి ప్లాట్‌‌‌‌‌‌‌‌‌‌‌‌‌‌‌‌ఫామ్స్‌‌‌‌‌‌‌‌‌‌‌‌‌‌‌‌లో చైల్డ్ సెక్సువల్‌ అబ్యూస్‌ మెటీరియల్‌ అప్‌‌‌‌‌‌‌‌‌‌‌‌‌‌‌‌లోడ్‌ చేస్తున్న హైదరాబాద్‌‌‌‌‌‌‌‌‌‌‌‌‌‌‌‌కు చెందిన ఇద్దరు, మెదక్‌‌‌‌‌‌‌‌‌‌‌‌‌‌‌‌కు చెందిన ఒకరిని అదుపులోకి తీసుకున్నారు. ముందుగా నిందితుల ఐపీ అడ్రస్, మొబైల్ నంబర్లు, మెయిల్‌ ఐడీలను గుర్తించి లొకేషన్లను ట్రేస్ చేశారు. ఆ ముగ్గురు చైల్డ్ పోర్నోగ్రఫీని వెబ్‌‌‌‌‌‌‌‌‌‌‌‌‌‌‌‌సైట్ల నుంచి డౌన్‌‌‌‌‌‌‌‌‌‌‌‌‌‌‌‌లోడ్‌ చేసుకుని చూస్తున్నట్లు గుర్తించారు.
