కూకట్పల్లి, వెలుగు: డ్రగ్స్ అమ్ముతున్న ముగ్గురు యువకులను కేపీహెచ్బీ పోలీసులు పట్టుకున్నారు. సేల్స్మెన్గా పని చేస్తూ ఎల్లమ్మబండ పరిధిలోని పంచమికాలనీలో నివసించే కె.నాని(25), జగద్గిరిగుట్ట నివసిస్తూ రాపిడో డ్రైవర్గా పని చేస్తున్న కుర్వ ప్రకాశ్(30), మొబైల్ షాపులో పని చేస్తున్న గాండ్ల నవీన్కుమార్(30) కొంతకాలంగా డ్రగ్స్ అమ్మడం ప్రారంభించారు. ఎల్లమ్మబండ ప్రాంతంలో నివసించే వరుణ్(24) వద్ద వీరు బ్రౌన్ షుగర్ తక్కువ రేటుకు కొని, ఇతర కస్టమర్లకు అమ్మతున్నారు.
సమాచారం అందుకున్న పోలీసులు విశ్వనాథ్ థియేటర్ సమీపంలో వీరిని పట్టుకున్నారు. వీరి నుంచి 2 గ్రామలు బ్రౌన్ షుగర్, ఒక బైక్, నాలుగు సెల్ ఫోన్లను స్వాధీనం చేసుకున్నారు. వీరికి డ్రగ్స్ సరఫరా చేస్తున్న వరుణ్ పరారీలో ఉన్నాడు. నిందితులను అరెస్టు చేసి రిమాండ్కు తరలించారు.
