- మహబూబ్నగర్ ఎస్పీ డి.జానకి వెల్లడి
మహబూబ్నగర్, వెలుగు : జడ్చర్ల ఎమ్మెల్యే అనిరుధ్రెడ్డి ఇంటికి ‘మావోయిస్టుల లేఖ’ పేరిట పోస్టర్ ను అంటించిన కేసులో ముగ్గురిని అరెస్ట్ చేసినట్టు మహబూబ్నగర్ఎస్పీ డి.జానకి తెలిపారు. మీడియా సమావేశంలో బుధవారం ఆమె వివరాలను వెల్లడించారు. వారం కిందట జిల్లాలోని రాజాపూర్ మండలం రంగారెడ్డిగూడలోని జడ్చర్ల ఎమ్మెల్యే ఇంటికి గుర్తు తెలియని వ్యక్తులు మావోయిస్టుల పేరిట లేఖను అంటించారు. దీనిపై అదే గ్రామానికి చెందిన రవి కుమార్ ఫిర్యాదు చేయగా పోలీసులు కేసు నమోదు చేశారు.
జడ్చర్ల రూరల్ సీఐ నాగార్జున గౌడ్ మంగళవారం కేసును ఛేదించారు. రంగారెడ్డిగూడకు చెందిన షేక్ రఫీక్, కుమ్మరి భగవంతు, మహమ్మద్ షా అలీ, షేక్ తౌఫిక్ నలుగురిపై కేసు నమోదు చేశారు. షేక్ తౌఫిక్ పరారీలో ఉండగా.. మిగతా ముగ్గురిని అరెస్టు చేసి రిమాండ్కు తరలించారు. నిందితుల నుంచి 29 డూప్లికే టుటుటుట్ లెటర్ ప్యాడ్లను, మూడు సెల్ ఫోన్లు, బైక్ ను స్వాధీనం చేసుకొని సీజ్చేశారు. కేసును ఛేదించిన డీఎస్పీ వెంకటేశ్వర్లు, సీఐ నాగార్జున గౌడ్, రాజాపూర్ఎస్ఐ రవి, సిబ్బందిని ఎస్పీ అభినందించి నగదు రివార్డు అందజేశారు.
