- నాగర్కర్నూల్ ఎంపీ స్థానానికి కాంగ్రెస్లో ముగ్గురి పోటీ
- పాలమూరు టికెట్ కోసం బీజేపీలోనూ తీవ్ర పోటీ
మహబూబ్నగర్, వెలుగు : లోక్సభ ఎన్నికలు దగ్గర పడుతున్న కొద్దీ టికెట్ల కోసం పోటీ ఎక్కువవుతోంది. ప్రధానంగా కాంగ్రెస్, బీజేపీలకు ఒక స్థానంలో క్యాండిడెట్లు ఓకే అయినా.. మరో దాంట్లో మాత్రం పోటీకి ఇద్దరు, ముగ్గురు సిద్ధమవుతుండటం తలనొప్పులు తెచ్చిపెడుతున్నాయి. టికెట్లు ఆశిస్తున్న వారంతా సీనియర్లు కావడంతో పార్టీల్లో వీరిలో ఒకరిని ఎంపిక చేయడం పెద్ద టాస్క్‌ లా మారింది. బీఆర్ఎస్ పార్టీ మాత్రం ఉమ్మడి మహబూబ్నగర్ జిల్లాలోని రెండు పార్లమెంట్ స్థానాల్లో ఒక స్థానానికి సిట్టింగ్కు క్లియర్ చేయగా, మరో స్థానంలో అలయన్స్లో బీఎస్పీకి టికెట్ ఇచ్చేందుకు సిద్ధమైంది.
నాగర్కర్నూల్ కాంగ్రెస్ సీటు కోసం ముగ్గురు పోటీ..
కాంగ్రెస్ పార్టీ నుంచి మహబూబ్నగర్ ఎంపీ స్థానానికి ఆ పార్టీ సీడబ్ల్యూసీ ప్రత్యేక ఆహ్వానితుడు చల్లా వంశీచంద్ రెడ్డి పోటీ చేస్తారని అసెంబ్లీ ఎన్నికలు ముగిసిన నాటి నుంచి ప్రచారం జరిగింది. ఇటీవల సీఎం రేవంత్ రెడ్డి కూడా వంశీనే మహబూబ్నగర్ అభ్యర్థి అని ప్రకటించగా.. శుక్రవారం కాంగ్రెస్ అధిష్ఠానం ఎంపీ టికెట్ ఇస్తున్నట్లు కన్పర్మ్ చేసింది. నాగర్కర్నూల్ స్థానానికి మాత్రం టికెట్ ఎవరికనేది ఇంకా ఖరారు కాలేదు. ఈ స్థానం నుంచి టికెట్ తనకే ఇవ్వాలని మాజీ ఎంపీ మల్లు రవి గట్టిగా ప్రయత్నం చేస్తున్నారు. ఎన్నికల్లో పోటీ చేసేందుకు ఇటీవల ఆయన
‘ఢిల్లీలో రాష్ర్ట ప్రభుత్వ అధికార ప్రతినిధి’ పదవికి రాజీనామా చేశారు. ఇదే స్థానం నుంచి పోటీకి అలంపూర్ మాజీ ఎమ్మెల్యే సంపత్ కుమార్ ప్రయత్నాలు చేస్తున్నారు. గత అసెంబ్లీ ఎన్నికల్లో సంపత్ కుమార్ అలంపూర్ నుంచి పోటీ చేసి ఓడిపోయారు. పార్లమెంట్ ఎన్నికల్లో మరోసారి తనకు అవకాశం ఇవ్వాలనే డిమాండ్‌ వినిపిస్తున్నారు. సీఎంకు సన్నిహితుడైన చారకొండ వెంకటేశ్ నాగర్ కర్నూల్ ఎంపీ టికెట్ కోసం ప్రయత్నాలు చేస్తునట్లు తెలుస్తోంది.
బీఆర్ఎస్లో క్లియర్
అసెంబ్లీ ఎన్నికల్లో ఘోర పరాభావం తర్వాత ఉమ్మడి పాలమూరు జిల్లాలో బీఆర్ఎస్ పార్టీ ఢీలా పడింది. జనవరి నుంచే పార్లమెంట్ ఎలక్షన్ మోడ్ స్టార్ట్ అయినా ఆ పార్టీ నుంచి రెండు స్థానాల్లో పోటీ చేసేందుకు ఎవరూ ముందుకు రాలేదు. చివరకు సిట్టింగ్ ఎంపీ కూడా పోటీకి దూరంగా ఉండనున్నారనే టాక్ నడిచింది. అయితే మహబూబ్నగర్ సిట్టింగ్ ఎంపీ మన్నె శ్రీనివాస్ రెడ్డికే టికెట్ ఇస్తున్నట్లు బీఆర్ఎస్ అధినేత కేసీఆర్‌ ప్రకటించారు.
నాగర్కర్నూల్ పార్లమెంట్ నుంచి సిట్టింగ్ ఎంపీగా ఉన్న రాములుకు కాకుండా అచ్చంపేట మాజీ ఎమ్మెల్యే గువ్వల బాలరాజుకు ఎంపీ టికెట్ ఇస్తారనే చర్చ నడిచింది. దీంతో రాములు బీజేపీలో చేరారు. అనూహ్యంగా ఆ పార్టీ వచ్చే లోక్ సభ ఎన్నికల్లో బీఎస్పీతో పొత్తు పెట్టుకొని రంగంలోకి దిగుతున్నట్లు ఆ పార్టీ చీఫ్ ఐదు రోజుల కిందట ప్రకటించారు. ఇక్కడి నుంచి బీఎస్పీ స్టేట్ చీఫ్ ఆర్ఎస్ ప్రవీణ్కుమార్ పోటీ చేసే అవకాశాలు ఉన్నాయి. ఆయనది అలంపూర్ సొంత నియోజకవర్గం కావడం, నాగర్కర్నూల్ పార్లమెంట్ పరిధిలోనికి రావడంతో ఇక్కడి నుంచి ఆర్‌‌‌‌‌‌‌‌‌‌‌‌‌‌‌‌ఎస్పీ పోటీ చేయడం దాదాపు కన్ఫాం అయ్యిందనే టాక్ నడుస్తోంది.
పాలమూరు ఎంపీ టికెట్ కోసం బీజేపీలో టఫ్‌ ఫైట్‌
బీజేపీ నుంచి నాగర్కర్నూల్ పార్లమెంట్ అభ్యర్థిగా బంగారు శ్రుతి పేరు మొదటి నుంచి వినిపించినా.. ఫైనల్‌‌‌‌‌‌‌‌గా హైకమాండ్ కొద్ది రోజుల కిందట పార్టీలో చేసిన బీఆర్ఎస్ సిట్టింగ్ ఎంపీ రాములు కొడుకు పి. భరత్కు టికెట్ కన్ఫామ్‌ చేసింది. ఇటీవల పార్టీ రిలీజ్ చేసిన ఫస్ట్ లిస్టులో తొమ్మిది స్థానాలు ఉండగా, అందులో నాగర్కర్నూల్ నుంచి భరత్ పేరు కూడా ఉంది. బీజేపీ నుంచి మహబూబ్నగర్ ఎంపీ స్థానానికి పోటీ చేసేందుకు డీకే అరుణ, ఏపీ జితేందర్ రెడ్డి
బండారి శాంతికుమార్ తీవ్రంగా ప్రయత్నాలు చేస్తున్నారు. టికెట్ కోసం హైకమాండ్ వద్దకు వెళ్లి అవకాశం ఇవ్వాలని కోరుతున్నారు. మహబూబ్నగర్ పార్లమెంట్ అభ్యర్థి పేరును ఫస్ట్ లిస్టులోనే ప్రకటించాల్సి ఉన్నా.. ముగ్గురు పోటీలో ఉండటం, వీరంతా సీనియర్ లీడర్లు కావడంతో ఎవరి పేరును ఇంకా ఖరారు చేయలేదు. సెకండ్ లిస్టులో క్యాండిడెట్ను ప్రకటించే అవకాశాలున్నాయి.
