గూడూరు, వెలుగు: మహబూబాబాద్ జిల్లాకు చెందిన ఓ మహిళ మొదటి కాన్పులోనే ముగ్గురు పిల్లలకు జన్మనిచ్చింది. గూడూరు మండలం రాముల్ తండాకు చెందిన బానోతు పృథ్విరాజ్కు, చెన్నరావుపేట పదహారు చింతల్ తండాకు చెందిన దివ్యతో ఏడాది కింద పెండ్లయింది. నిండు గర్భిణి అయిన దివ్యను కుటుంబ సభ్యులు వరంగల్లోని ఓ ప్రైవేట్ హాస్పిటల్కు తీసుకెళ్లారు.
డాక్టర్లు ఈ నెల 3న నార్మల్ డెలివరీ చేయగా మొదట బాబు పుట్టాడు. తర్వాత సిజేరియన్ చేయగా దివ్య ఇద్దరు అమ్మాయిలకు జన్మనిచ్చింది. తల్లి, పిల్లలంతా ఆరోగ్యంగా ఉన్నారు. డిశ్చార్జ్ అయ్యాక పిల్లలను తండాకు తీసుకెళ్లగా, ఊళ్లోని జనమంతా వచ్చి చూసి వెళ్తున్నారు.
