నారాయణపేట, వెలుగు : జల్సాలకు అలవాటు పడి ఎలాగైనా డబ్బు సంపాదించానే కోరికతో ముగ్గురు యువకులు చోరీలకు అలవాటు పడ్డారని ఎస్పీ యోగేశ్గౌతమ్ తెలిపారు. కోస్గి, మద్దూర్మండలాల్లో 9 చోరీ కేసుల్లో నిందితులు, రికవరీపై ఎస్పీ విలేకరుల సమావేశం ఏర్పాటు చేసి వివరాలు వెల్లడించారు. గండీడ్మండలం చిన్న వార్వాల్గ్రామానికి చెందిని గడ్డమీది రామకృష్ణ, నంచెర్ల శ్రీను, సాలనగర్ గ్రామానికి చెందిన గజ్జి రమేశ్ జల్సాలకు అలవాటుపడ్డారు.
సోమవారం కోస్గిలో పోలీసులు నాకాబందీ చేస్తుండగా శివాజి చౌక్లో అనుమానాస్పదంగా తిరుగుతున్న వీరిని అదుపులోకి తీసుకొని విచారించారు. కాగా చోరీల విషయాన్ని వారు వెల్లడించారు. గతేడాది మద్దూర్మండలం కేంద్రంలోని ఓ బంగారు షాప్యాజమాని వద్ద వెండి వస్తువులున్న బ్యాగ్ను దొంగిలించారు. కోస్గి పట్టణంలో మోటర్వైండింగ్షాప్లో 4 బోర్మోటార్లు
వైర్బండల్స్, 8 సీలింగ్ఫ్యాన్లు, కోస్గిలోని ఓ గుడిలో హుండీ డబ్బు, గోల్డ్సోక్షాప్ లో 2 తులాల నెక్లెస్, మున్సిపల్కార్యాలయంలో 3 బ్యాటరీలు, ఓ స్కూల్లో టీవీ, ప్రింటర్ వంటి వస్తువులు చోరీ చేశారు. మొత్తం రూ.9.7 లక్షల విలువ చేసే వస్తువులు, డబ్బు రికవరీ చేసినట్టు తెలిపారు.ఈ ముగ్గురిపై కేసులు నమోదు చేసినట్లు వెల్లడించారు.
