కామారెడ్డి టౌన్, వెలుగు: కాస్ట్లీ బైకులను కొట్టేస్తున్న ముగ్గురిని కామారెడ్డి టౌన్పోలీసులు అరెస్ట్చేశారు. రూ.40 లక్షల విలువైన 29 బైకులు స్వాధీనం చేసుకున్నారు. శుక్రవారం కామారెడ్డి టౌన్పీఎస్లో ఎస్పీ సింధూశర్మ మీడియాకు వివరాలు వెల్లడించారు. కామారెడ్డి జిల్లా కేంద్రంతోపాటు చుట్టుపక్కల ప్రాంతాల్లో వరుసగా కాస్ట్లీ బైకులు చోరీకి గురవుతున్నట్లు ఫిర్యాదులు రావడంతో డీఎస్పీ ప్రకాశ్పర్యవేక్షణలో టౌన్సీఐ చంద్రశేఖర్రెడ్డి, సీసీఎస్సీఐ, సిబ్బంది ప్రత్యేక తనిఖీలు మొదలుపెట్టారు.
గురువారం కామారెడ్డిలోని నిజాంసాగర్చౌరస్తాలో వెహికల్స్తనిఖీ చేస్తుండగా, అదే టైంలో అటుగా బైక్పై వచ్చిన ముగ్గురు అనుమానస్పదంగా కనిపించడంతో అదుపులోకి తీసుకున్నారు. ఆరా తీయగా బైకులు చోరీ చేస్తున్నట్లు తేలింది. నిజామాబాద్జిల్లా మాక్లూర్మండలం బొంకన్పల్లికి చెందిన శశాంక్, ఎరుగట్ల సందీప్, మాక్లుర్కు చెందిన షేక్అహ్మద్ గా గుర్తించారు.
ముగ్గురూ కలిసి కామారెడ్డి, నిజామాబాద్, నిర్మల్జిల్లాలోని ఆయా పోలీస్స్టేషన్ల పరిధిలో బైకులు చోరీ చేసినట్లు ఒప్పుకున్నారు. 29 బైక్లు స్వాధీనం చేసుకున్నామని, వాటి విలువ రూ.40 లక్షలు ఉంటుందని ఎస్పీ వెల్లడించారు. దర్యాప్తులో కీలకంగా వ్యవహరించిన టౌన్ సీఐ చంద్రశేఖర్రెడ్డి, సీసీఎస్సీఐ మల్లేశ్గౌడ్, ఎస్సైలు ఉస్మాన్, శ్రీరామ్, ఏఎస్సై రాజేశ్వర్, సురేందర్, ఇతర సిబ్బందిని ఎస్పీ అభినందించారు.
