జోగిపేట, వెలుగు : సంగారెడ్డి జిల్లా ఆందోల్లో నకిలీ డాక్యుమెంట్లతో రిటైర్డ్ ఐపీఎస్ఆఫీసర్ కు సంబంధించిన భూమిని అమ్మే ప్రయత్నం చేసిన ముగ్గురు కేటుగాళ్లు జైలుపాలయ్యారు. బుధవారం సీఐ అనిల్కుమార్దీనికి సంబంధించిన వివరాలు వెల్లడించారు. నారాయణ్ఖేడ్ ప్రాంతానికి చెందిన రవీందర్, సుధాకర్, ర్యాకల్గ్రామానికి చెందిన రియల్ఎస్టేట్ వ్యాపారి సంజీవరెడ్డి సంతకాలు ఫోర్జరీ చేసి ఫేక్ అగ్రిమెంట్డాక్యుమెంట్స్సృష్టించారు. ఆందోల్ గ్రామానికి చెందిన రిటైర్డ్ ఐపీఎస్అధికారి శేరి ప్రభాకర్రెడ్డి, తన బంధువులు శేరి నర్సింహరెడ్డి, బాలకృష్ణారెడ్డి, అంజమ్మలకు సంబంధించిన
57.12 ఎరకాలకు సంబంధించి పట్టాపాస్బుక్కులు, ఆధార్కార్డులు వాట్సప్ ద్వారా సంపాదించారు. వాటిని ప్రింట్తీపించి బాండ్ పేపర్పై అగ్రిమెంట్ చేసుకున్నట్లు రూ.22.23 కోట్లకు ఒప్పందం చేసుకొని అడ్వాన్స్గా రూ.2కోట్లు ఇచ్చినట్లు ఫేక్ రశీదు సృష్టించారు. వీటిని ఆధారం చేసుకొని రవీందర్హైదరాబాద్కు చెందిన బిల్డర్ యాదగిరిరెడ్డికి భూమి అమ్మే ప్రయత్నం చేశారు. మే 3న గాజులరామారంలోని యాదగిరిరెడ్డితో ఒప్పందం కుదుర్చుకున్నారు. ఎకరాకు రూ.40 లక్షలకు ఫైనల్కాగా అదే రోజు అడ్వాన్స్గా రూ.11 లక్షలు యాదగిరిరెడ్డి వారి బంధువుల ద్వారా సంజీవరెడ్డి అకౌంట్కి ట్రాన్స్ఫర్ చేశారు.
అప్పటి నుంచి ముగ్గురు తప్పించుకు తిరుగుతున్నారు. రెండు నెలలు గడుస్తున్నా అగ్రిమెంట్ గడువు ముగుస్తున్నా భూమి చూపించకపోవడంతో యాదగిరిరెడ్డికి అనుమానం వచ్చి నేరుగా ఆందోల్కు చేరుకొని భూమి యజమాని గురించి ఆరా తీశాడు. దీంతో తాము ఎవరికి అగ్రిమెంట్ చేయలేదని చెప్పడంతో మోసపోయినట్లు గుర్తించాడు. జరిగిన విషయం యాదగిరిరెడ్డి, నర్సింహరెడ్డికి వివరించాడు. ఈ మేరకు నర్సింహరెడ్డి ఈనెల 6న జోగిపేట పీఎస్లో ఫిర్యాదు చేశాడు. ఈ మేరకు సంజీవరెడ్డి, రవీందర్, సుధాకర్ను అదుపులోకి తీసుకొని కేసు నమోదు చేసినట్లు సీఐ చెప్పారు.
