కోల్‌‌‌‌‌‌‌‌‌‌‌‌‌‌‌‌కతా : సాధారణంగా మూడేండ్ల వయసు చిన్నారులు ఇంట్లో బొమ్మలతో ఆడుకుంటారు. కానీ, కోల్‌‌‌‌‌‌‌‌‌‌‌‌‌‌‌‌కతాకు చెందిన మూడేండ్ల బుడ్డోడు అనీష్‌ సర్కార్‌ మాత్రం చెస్‌ బోర్డుపై ఎత్తులు వేస్తూ రికార్డులు సృష్టిస్తున్నాడు. మూడేండ్ల 8 నెలల, 19 రోజుల వయసులోనే ఫిడే రేటింగ్ అందుకొని ఈ ఘనత సాధించిన అతి పిన్న వయస్కుడిగా చరిత్రకెక్కాడు. 2021 జనవరి 26న పుట్టిన అనీష్‌ వెస్ట్‌ బెంగాల్‌ అండర్‌–13 ఓపెన్ టోర్నీలో ఆడి తనకంటే పెద్ద, అనుభవజ్ఞులైన ప్లేయర్లను ఓడించి ఔరా అనిపించాడు.
ఈ టోర్నీలో ఐదుగురు ఫిడే రేటెడ్‌ ప్లేయర్లతో పోటీపడ్డాడు. దాంతో గురువారం అతను ఫిడే ఆరంభ రేటింగ్ 1555 అందుకున్నాడు. ఈ క్రమంలో ఐదేండ్ల వయసులో ఫిడే రేటింగ్ సాధించిన ఇండియాకే చెందిన తేజస్‌ రికార్డును బ్రేక్ చేశాడు
