నిజామాబాద్, వెలుగు: నిజామాబాద్ ఎంపీ స్థానానికి జరిగిన పోటీలో తుక్కుగా ఓడిన కవిత ఇతర లీడర్లను గెలిపిస్తాననడం హాస్యాస్పదమని ఎంపీ, బీజేపీ నేత ధర్మపురి అర్వింద్ అన్నారు. గురువారం ఆయన నిజామాబాద్లోని బీజేపీ ఆఫీస్లో మీడియాతో మాట్లాడారు. కవిత తర్వాత కేటీఆరేవల్ల ప్రభుత్వంపై ప్రజల్లో వ్యతిరేకత వచ్చిందన్నారు. ఆ తర్వాత స్థానాల్లో హరీశ్ రావు, సంతోష్ ఉంటారన్నారు. ‘ఎలక్షన్తర్వాత తెలంగాణలో ఆ ఫ్యామిలీ శకం ముగిసినట్టే. జీవితంలో గులాబీ ప్రభుత్వాన్ని చూడం. గజ్వేల్లో కేసీఆర్ఓడిపోతున్నడు.
బీఆర్ఎస్కు 25కు మించి స్థానాల్లో గెలిచే పరిస్థితి లేదు. పోలింగ్తర్వాత కౌంటింగ్ టైమ్కు కాంగ్రెస్ నుంచి ఫిరాయింపులు ఉంటాయి. అది ఎవరి వైపు అనేది ఇప్పుడే చెప్పను. ఎలక్షన్ తర్వాత స్టేట్లో ఏర్పడేది ముమ్మాటికీ బీజేపీ గవర్నమెంటే. నా లోక్సభ నియోజకవర్గం పరిధిలో అందరూ గెలిచే వారే. నన్ను ఓడించేందుకు కంకణం కట్టుకున్న కవితను కోరుట్లకు ఆహ్వానిస్తున్నా. ఆమె తిరిగితేనే నాకు సంతోషం.
ఆకుల లలితతో జిల్లాలో పెద్ద స్కెచ్ వేసి విఫలమైంది. కవిత లిక్కర్ స్కామ్ దర్యాప్తు ఆగలేదు. కోర్టు జోక్యంతో బ్రేక్ పడింది. నోట్ల కట్టలతో దొరికిన రేవంత్పట్ల కేసీఆర్ మెతక వైఖరికి కారణం ఏందో అర్థం చేసుకోవాలె. మాటకారి రేవంత్ఎన్నికల్లో బాగా సంపాదిస్తుండు. బీజేపీలో పోటీ చేసేందుకు లీడర్లు ఎక్కువైండ్రు. అసంతృప్తి కామన్. పార్టీ ఎదిగితే ప్రజలకు మేలు జరుగుతుంది’ అని అర్వింద్ అన్నారు.
