వాషింగ్టన్: ప్రముఖ వీడియో-షేరింగ్ ప్లాట్‌‌ఫామ్‌ టిక్టాక్సేవలను అమెరికాలో క్లోజ్ చేశారు. అమెరికా తీసుకొచ్చిన నిషేధ చట్టం అమలులోకి రావడంతో శనివారం రాత్రి నుంచి తమ సేవలను షట్డౌన్ చేసినట్టు టిక్టాక్ మాతృసంస్థ బైట్డాన్స్ ప్రకటించింది. యూజర్లు యాప్ ఓపెన్ చేయగానే “దురదృష్టవశాత్తు యూఎస్లో టిక్‌‌టాక్‌‌ను నిషేధించే చట్టం జనవరి 19 తేదీ నుంచి అమలులోకి వచ్చింది, కనుక ప్రస్తుతానికి మీరు టిక్‌‌టాక్‌‌ను ఉపయోగించలేరు” అనే సందేశం స్క్రీన్పై చూపుతున్నది.
ప్రెసిడెంట్ బైడెన్ ప్రభుత్వం తీసుకొచ్చిన చట్టంతో సేవలను నిలిపి వేయడం తప్ప మరోమార్గం లేకుండా పోయిందని వెల్లడింది. “కొత్త ప్రెసిడెంట్గా ఎన్నికైన ట్రంప్ పదవీ బాధ్యతలు స్వీకరించిన తర్వాత టిక్‌‌టాక్‌‌ను పునరుద్ధరించే అంశంపై మాతో కలిసి పనిచేస్తానని చెప్పడం మా అదృష్టం. దయచేసి వేచి ఉండండి!” అని డేటా డాన్స్ ఉద్యోగులకు పంపిన ఇంటర్నల్ఈమెయిల్లో పేర్కొంది.
టిక్టాక్యాప్ను నిషేధిస్తూ అమెరికా తీసుకొచ్చిన కొత్త చట్టాన్ని సమర్థిస్తూ ఆ దేశ సుప్రీంకోర్టు శుక్రవారం తీర్పు చెప్పింది. తమ యాప్ స్టోర్ల నుంచి టిక్ టాక్ ను తొలగించాలని యాపిల్, గూగుల్ సంస్థలను ఆదేశించింది. టిక్టాక్ యాప్ కు బ్యాక్-ఎండ్ క్లౌడ్ ప్రొవైడర్ గా ఉన్న ఒరాకిల్‌, వెబ్-హోస్టింగ్ సంస్థలు తమ సపోర్ట్ నిలిపివేయాలని పేర్కొంది. ఆదేశాలను పాటించకపోతే బిలియన్ల డాలర్ల జరిమానాలను ఎదుర్కోవాల్సి ఉంటుందని తీర్పులో తెలిపింది.
