కాన్పూర్ వేదికగా బంగ్లాదేశ్‌తో జరిగిన రెండు టెస్టులో రోహిత్ సేన అద్భుత విజయం సాధించిన విషయం విదితమే. వర్షం కారణంగా మొదటి మూడు రోజుల ఆట తుడిచిపెట్టుకుపోయినప్పటికీ.. చివరి రెండు రోజుల్లో మ్యాచ్ ముగిచింది. ఈ మ్యాచ్ ఫలితం న్యూజిలాండ్ క్రికెట్‌పై ప్రభావం చూపింది. సొంతగడ్డపై భారత జట్టు ఆట తీరు చూసి కివీస్ టెస్ట్ కెప్టెన్ టిమ్ సౌథీ నాయకత్వ బాధ్యతల నుంచి తప్పుకున్నాడు.
ALSO READ | Pakistan Cricket: ఈ జట్టును నడిపించలేను.. కెప్టెన్సీ నుంచి వైదొలిగిన బాబర్ ఆజం
మరో వారం రోజుల్లో అనగా అక్టోబర్ 16 నుంచి భారత్- న్యూజిలాండ్ జట్ల మధ్య మూడు మ్యాచ్‌ల టెస్ట్ సిరీస్ ప్రారంభం కానుంది. ఈ సమయంలో కెప్టెన్సీకి సౌథీ రాజీనామా చేయడం కివీస్ జట్టును కలవరపెడుతోంది. 2008లో న్యూజిలాండ్ తరఫున అరంగేట్రం చేసిన ఈ పేసర్.. 102 టెస్టుల్లో 382 వికెట్లు తీసిన జట్టులో కీలక ఆటగాడిగా ఉన్నాడు. అలాంటి ప్లేయర్ భారత పర్యటనకు ముందు తప్పుకోవడం ఆ జట్టు ఆటగాళ్లలో ఆత్మవిశ్వాసాన్ని దెబ్బతీస్తోంది.
"An absolute honour and a privilege" - Tim Southee on his resignation from New Zealand's Test captaincy 🗣️ pic.twitter.com/g9AwIHMOfq
— ESPNcricinfo (@ESPNcricinfo) October 2, 2024
కాగా, సౌథీ తప్పుకోవడంతో అతని స్థానంలో టామ్ లాథమ్‌కు జట్టు నాయకత్వ బాద్యతలు అప్పగించారు.
భారత్ vs న్యూజిలాండ్ టెస్ట్ సిరీస్ షెడ్యూల్
- మొదటి టెస్ట్: అక్టోబర్ 16 - 20 (బెంగళూరు)
- రెండో టెస్ట్: అక్టోబర్ 24- 28 (పూణె)
- మూడో టెస్ట్: నవంబర్ 1 - 5 (ముంబై)
