కలియుగ.. వైకుంఠం తిరుమల ఘాట్ రోడ్డులో ప్రమాదం జరిగింది.. మొదటి ఘాట్ రోడ్డులో ఏనుగుల ఆర్చ్ దగ్గర కారు అదుపు తప్పి డివైడర్ ను ఢీకొనడంతో ఈ ప్రమాదం జరిగింది. ఈ ఘటనలో నలుగురి భక్తులకు గాయాలయ్యాయి.
కారు వేగంగా వచ్చి డివైడర్ ను ఢీకొనడంతో కారు ముందుభాగం నుజ్జు నుజ్జయింది. సమాచారం అందుకున్న పోలీసులు, విజిలెన్స్ సిబ్బంది ఘటనాస్థలానికి చేరుకొని సహాయక చర్యలు చేపట్టారు . క్షతగాత్రులను ఆసుపత్రికి తరలించి చికిత్స అందిస్తున్నారు. ఈ ప్రమాదంలో ప్రాణనష్టమేమి జరగకపోవడంతో అంతా ఊపిరి పీల్చుకున్నారు.
