టాలీవుడ్ హీరో విజయ్ దేవరకొండ, నేషనల్ క్రష్ రష్మిక మందన్న కొంతకాలంగా ప్రేమలో ఉన్నట్టు తెగ ప్రచారం జరుగుతోంది. గతంలో విజయ్ రష్మిక కలసి గీత గోవిందం, డియర్ కామ్రేడ్ సినిమాల్లో కలసి నటించారు. ఈ క్రమంలోనే వీరిద్దరిమధ్య ప్రేమ చిగురించిందని అప్పటి నుంచి పర్సనల్ లైఫ్ లో చాలా క్లోజ్ గా ఉంటున్నారని, అంతేగాకుండా ఇరువురి ఇళ్ళలో జరిగే ఫంక్షన్స్ కి కుటుంబ సభ్యులు కూడా హాజరవుతున్నట్లు పలు వార్తలు వైరల్ అవుతున్నాయి.
త్వరలోనే వీరిద్దరూ ప్రేమించుకుంటున్నారని, పెళ్లి చేసుకుంటారని ఎన్నోసార్లు రూమర్స్ వచ్చాయి. కానీ తాము ఫ్రేండ్స్ మాత్రమేనని, తమ మధ్య ప్రేమలాంటి రిలేషన్ లేదని చెప్పుకొచ్చారు. అయితే తాజాగా విజయ్.. రష్మికతో డేటింగ్ లో ఉన్నాడని మరోసారి వార్తలు వైరల్ అవుతున్నాయి. అందుకు బలం కలిగేలా విజయ్, రష్మిక కలిసి ఓ రెస్టారెంట్ లో బ్రేక్ ఫాస్ట్ చేస్తూన్న ఫోటోలను రష్మిక సోషల్ మీడియాలో షేర్ చేసింది. ప్రస్తుతం ఈ ఫోటోలు నెట్టింట తెగ వైరలవుతున్నాయి.
ఈ విషయం ఇలా ఉండగా ప్రస్తుతం రష్మిక మందాన హిందీ, తమిళ్, తెలుగు తదితర భాషలలో వరుస ఆఫర్లు దక్కించుకుంటూ దూసుకుపోతోంది. ఈ క్రమంలో హిందీలో సల్మాన్ ఖాన్ హీరోగా నటిస్తున్న సికిందర్ సినిమాలో హీరోయిన్ గా నతిస్థినదినటిస్తోంది. అలాగే తెలుగులో ప్రముఖ డైరక్టర్ శేఖర్ కమ్ముల దర్శకత్వం వహిస్తున్న కుబేర సినిమాలో కూడా హీరోయిన్ గా నటిస్తోంది.
ఇక విజయ్ దేవరకొండ విషయానికొస్తే V12 అనే వర్కింగ్ టైటిల్ తో తెరకెక్కుతున్న సినిమాలో హీరోగా నటిస్తున్నాడు. ఈ సినిమాని టాలీవుడ్ ప్రముఖ సినీ నిర్మాత సూర్యదేవర నాగవంశీ నిర్మిస్తున్నాడు. ఈ సినిమా ఇటీవలే శ్రీలంక షూటింగ్ షెడ్యూల్ పూర్తి చేసుకుని ఇండియాకి వచ్చింది.
