మలయాళ స్టార్ హీరో దుల్కర్ సల్మాన్, ప్రముఖ హీరోయిన్ మీనాక్షి చౌదరి కలసి జంటగా లక్కీ భాస్కర్ చిత్రం అక్టోబర్ 31న గ్రాండ్ గా రిలీజ్ అయ్యింది. ఈ సినిమాకి తెలుగు ప్రముఖ డైరెక్టర్ వెంకీ అట్లూరి దర్శకత్వం వహించగా స్టార్ ప్రొడ్యూసర్ సూర్యదేవర నాగవంశీ నిర్మించారు. 1980స్ పీరియాడిక్ డ్రామా బ్యాక్ లో తెరకెక్కిన ఈ సినిమా మంచి పాజిటివ్ టాక్ తో దూసుకుపోతోంది. ఇటీవలే ప్రముఖ హీరో విశ్వక్ సేన్ లక్కీ భాస్కర్ సినిమా చూసి సోషల్ మీడియా వేదికగా చిత్ర యూనిట్ ని అప్రిషియేట్ చేశాడు.
ఇందులో భాగంగా తెలుగులోని అత్యుత్తమ చిత్రాలలో లక్కీ భాస్కర్ ఒకటని, డైరెక్టర్ వెంకీ అట్లూరి ఈ సినిమాతో తనలోని టాలెంట్ ని నిరూపించుకున్నారని అన్నారు. అలాగే ఈ సినిమాలో దుల్కర్ సల్మాన్ కెరీర్ లోనె బెస్ట్ పెర్ఫామెన్స్ ఇచ్చారని, మీనాక్షి చౌదరి తన పాత్రకి చక్కగా న్యాయం చేసిందని కాంప్లిమెంట్స్ ఇచ్చాడు.
ఇంత హై-క్వాలిటీ కంటెంట్‌ని అందించినందుకు మొత్తం టీమ్‌కి అభినందనలు తెలిపాడు. ఇక జీవి ప్రకాష్ తన బ్యాగ్రౌండ్ స్కోర్ తో ఆకట్టుకున్నాడని, అలాగే ప్రొడ్యూసర్ నాగవంశీ కి థాంక్స్ చెప్పాడు. లక్కీ భాస్కర్ సినిమా చాలా బాగుందని థియేటర్స్ కి వెళ్ళి చూడాలని ఆడియన్స్ ని కోరాడు.
I watched #LuckyBhasker last night, and it’s truly one of the finest films made in Telugu cinema. Venky atluri has evolved as a filmmaker to a whole new level, and @dulQuer delivered what I feel is his career-best performance. @Meenakshiioffl also gave her most impressive work to…
— VishwakSen (@VishwakSenActor) November 3, 2024
ఈ విషయం ఇలా ఉండగా లక్కీ భాస్కర్ రిలీజ్ అయిన మొదటిరోజే డీసెంట్ కలెక్షన్స్ సాధించింది. కాగా ఇప్పటివరకూ దాదాపుగా రూ.32 కోట్లు(గ్రాస్) కలెక్ట్ చేసింది. లాంగ్ వీకెండ్ ఉండటంతో ఈ కలెక్షన్లు మరింత పెరిగే అవకాశం ఉంది.
