టాలీవుడ్ యువ హీరో విశ్వక్ సేన్ (Viswak Sen) వరుస సినిమాలతో దూసుకెళ్తున్నాడు. ప్రస్తుతం లైలా సినిమాతో ప్రేక్షకుల ముందుకు రానున్నాడు. ఈ సినిమా ఫిబ్రవరి 14న విడుదల కానుంది.
ఈ సందర్భంగా నేడు జనవరి 31న విశ్వక్ సేన్ తిరుమల శ్రీవారిని దర్శించుకున్నారు. తిరుమలకు మెట్ల మార్గంలో వెళ్లి వేంకటేశ్వర స్వామిని దర్శించుకున్నారు విశ్వక్. అనంతరం ఆలయ అధికారులు తీర్థ ప్రసాదాలను విశ్వక్ సేన్‌కు అందజేశారు.
దర్శనానంతరం ఆలయం వెలుపల మీడియాతో మాట్లాడుతూ.. 'స్వామి వారి ఆశీస్సులు, చల్లని దీవెనలు ఎల్లప్పుడూ అందరికీ ఉండాలని కోరుకున్నారు విశ్వక్. అలాగే లైలా సినిమా ట్రైలర్ ఫిబ్రవరి 6న విడుదల కానుందని తెలిపారు. ఈ సినిమా ఫ్యామిలీ అంత కలసి చూసే ఫన్ ఎంటెర్టైమెంట్ అని, అన్ని వర్గాల ప్రేక్షకులకు నచ్చుతుందని ధీమా' వ్యక్తం చేశారు.
ఆ తర్వాత తిరుమలకు వచ్చిన భక్తులకు విశ్వక్ సెల్ఫీలు ఇచ్చాడు. ప్రస్తుతం ఇందుకు సంబంధించిన ఫోటోలు, వీడియోస్ సోషల్ మీడియాలో వైరల్ అవుతున్నాయి. విశ్వక్ చివరి చిత్రం 'మెకానిక్ రాఖీ'తో ఆశించినంత మేరకు మెప్పించలేకపోయాడు.
