Samantha: ఒక్కోసారి ఇండస్ట్రీలో అనుకోని కారణాలవల్ల ఒకరికి ఖాతాలో పడాల్సిన హిట్ మరొకరి ఖాతాలో పడిపోతుంటాయి. అలాగే ఒకరు రిజెక్ట్ చేసిన సినిమాలతో ఇంకొకరు హిట్ కొట్టిన సందర్భాలు కూడా చాలానే ఉన్నాయని చెప్పవచ్చు. అయితే గత ఏడాది తమిళ్ ప్రముఖ డైరెక్టర్ అట్లీ కుమార్ డైరక్షన్ లో వచ్చిన జవాన్ సినిమా బాక్సాఫీస్ వద్ద బ్లాక్ బస్టర్ హిట్ అయ్యింది. ఈ సినిమాలో రెండో హీరోయిన్ గా నటించే ఆఫర్ ని తెలుగు ప్రముఖ స్టార్ హీరోయిన్ సమంత మిస్ చేసుకున్నట్లు సమాచారం.
డైరెక్టర్ అట్లీ కుమార్ జవాన్ సినిమలోని నయనతార పాత్రకోసం 2019లో మొదటగా స్టార్ హీరోయిన్ సమంత ని సంప్రదించాడట. కానీ సమంత అప్పటికే ఇతర సినిమాలలో నటిస్తుండటంతో డేట్లు సర్దుబాటు కాకపోవడం, అలాగే పర్సనల్ లైఫ్ లో బిజీగా ఉండటం వంటి కారణాలతో జవాన్ సినిమాలో నటించే ఛాన్స్ మిస్ చేసుకుందట. దీంతో ఈ ఆఫర్ నయనతారని వరించగా చక్కగా సద్వినియోగం చేసుకుందని చెప్పవచ్చు. అలాగే నయనతార ఈ సినిమాలో తన పాత్రకి వంద శాతం న్యాయం చేసింది.
ALSO READ | Kissik Promo: కిస్సిక్ సాంగ్ ప్రోమో రిలీజ్.. చిన్న బిట్టుతోనే భూకంపం సృష్టించారుగా!
ఇక జవాన్ సినిమాలో బాలీవుడ్ బాద్ షా షారుఖ్ ఖాన్ హీరోగా నటించగా బ్యూటిఫుల్ హీరోయిన్లు దీపికా పదుకునే, నయనతార హీరోయిన్లుగా నటించారు. ప్యాన్ ఇండియా భాషల్లో వరల్డ్ వైడ్ రిలీజ్ కాగా దాదాపుగా రూ.1140 కోట్లు (గ్రాస్) కలెక్షన్లు సాధించింది. దీంతో నయనతార కెరీర్ లోనే హైయ్యెస్ట్ కలెక్షన్లు సాధించిన సినిమా జవాన్ నిలిచింది.
ఈ విషయం ఇలా ఉండగా ఆర్మీ & యాక్షన్స్ సస్పెన్స్ థ్రిల్లర్ బ్యాక్ డ్రాప్ లోతెరకెక్కిన ఈ సినిమాకి రిలీజ్ అయిన అన్ని భాషలలో మంచి రెస్పాన్స్ వచ్చింది. ఇక ఈ సినిమా క్యాస్ట్ & క్రూ విషయానికొస్తే విలన్ గా తమిళ్ స్టార్ హీరో విజయ్ సేతుపతి నటించగా ప్రియామణి, సాన్య మల్హోత్రా, రిధి డోగ్రా, విరాజ్ తదితరులు ప్రధాన తారాగణంగా నటించారు. ప్రముఖ సినీ నిర్మాత, షారుఖ్ ఖాన్ సతీమణి గౌరీ ఖాన్ ఈ సినిమాని నిర్మించగా, తమిళ్ ప్రముఖ మ్యూజిక్ డైరెక్టర్ అనిరుద్ రవి చందర్ మ్యూజిక్ అందించాడు.
