Suriya44 Movie Update: కోలీవుడ్ స్టార్ హీరో సూర్య ప్రస్తుతం సూర్య44 అనే వర్కింగ్ టైటిల్ తో తెరకెక్కుతున్న సినిమాలో హీరోగా నటిస్తున్నాడు. ఈ సినిమాకి ప్రముఖ డైరెక్టర్ కార్తిక్ సుబ్బరాజ్ దర్శకత్వం వహిస్తున్నాడు. సూర్య44 లో బాలీవుడ్ బ్యూటీ పూజ హెగ్డే హీరోయిన్ గా నటిస్తుండగా ప్రముఖ మ్యూజిక్ డైరెక్టర్ సంతోష్ నారాయణ్ మ్యూజిక్ అందిస్తున్నాడు.
జులై లో సూర్య బర్త్ డే కానుకగా ఈ సినిమా గ్లిమ్ప్స్ రిలీజ్ చెయ్యగా మంచి రెస్పాన్స్ వచ్చింది. సూర్య44 లో హీరో సూర్య గ్యాంగ్ స్టర్ పాత్రలో కనిపించనున్నాడు. అయితే ఈ సినిమా ఇటీవలే షూటింగ్ పూర్తి చేసుకుని పోస్ట్ ప్రొడక్షన్ పనులు జరుపుకుంటోంది.
Also Read :- లవ్‌లో బ్రేకప్ చెప్తే సూసైడ్‌కు ప్రేరేపించినట్టు కాదు
అయితే టాలీవుడ్ స్టార్ హీరోయిన్ శ్రియ శరన్ సూర్య44 లో స్పెషల్ సాంగ్ చేస్తున్నట్లు కన్ఫర్మ్ చేసింది. ఇటీవలే గోవాలోజరిగిన ఐఎఫ్ఎఫ్ఐ (ఇంటర్నేషనల్ ఫిల్మ్ ఫెస్టివల్ ఆఫ్ ఇండియా) వేడుకల్లో శ్రియ పాల్గొంది. ఇందులోభాగంగా మీడియాతో మాట్లాడుతూ "సూర్య సార్ కోసం స్పెషల్ సాంగ్" చేశానని తెలిపింది. దీంతో సూర్య ఫ్యాన్స్ ఆనందం వ్యక్తం చేస్తున్నారు.
గతంలో కూడా శ్రియ పలు టాలీవుడ్, కోలీవుడ్ సినిమాల్లో స్పెషల్ సాంగ్స్ లో నటించగా ఆడియన్స్ ని బాగానే ఆకట్టుకున్నాయి. పెళ్లయిన తర్వాత శ్రియ శరన్ పెద్దగా సినిమాల్లో నటించడలేదు. దీంతో ఎక్కువ సమయం ఫ్యామిలీ కోసం కేటాయిస్తోంది.
ఈ విషయం ఇలా ఉండగా సూర్య ప్రముఖ డైరెక్టర్ శివ దర్శకత్వం వహించిన కంగువ సినిమాలో హీరోగా నటించాడు. ఈ సినిమా నవంబర్ 14న ప్యాన్ ఇండియా భాషలలో రిలీజ్ అయ్యింది. రిలీజ్ రోజునుంచి మిక్స్డ్ టాక్ తెచ్చుకున్న ఈ సినిమా ఇప్పటివరకూ దాదాపుగా రూ.150 కోట్లు(గ్రాస్) కలెక్ట్ చేసింది. ఇక సూర్య44 విషయానికొస్తే వచ్చే ఏడాది సమ్మర్ లో రిలీజ్ చేసేందుకు చిత్ర యూనిట్ ప్లాన్ చేస్తున్నారు.
A wholesome, happy shoot got done across several locations… Lots of memories with the super talented cast & crew… I made a brother for life @karthiksubbaraj thank you & our team for making #Suriya44 a memorable experience. #ShootWrap pic.twitter.com/DIRtILfpP3
— Suriya Sivakumar (@Suriya_offl) October 6, 2024
