Sandeep Kishan: టాలీవుడ్ ప్రముఖ హీరో సందీప్ కిషన్ ఖరీదైన రేంజ్ రోవర్ కారు కొని తన తల్లికి బహుమతిగా ఇచ్చాడు. అయితే ఈ కారు ధర దాదాపుగా రూ.2 కోట్ల రూపాయలు (ఆన్ రోడ్) ఉన్నట్లు సమాచారం. సోషల్ మీడియాలో యాక్టివ్ గా ఉండేటువంటి సందీప్ కిషన్ ఈ విషయాన్ని అభిమానులతో ఇన్స్టా గ్రామ్ ద్వారా పంచుకున్నాడు.
ఇందులో భాగంగా తన తల్లి కనకదుర్గ ఆల్ ఇండియా రేడియో సంస్థలో పని చేస్తుందని దాంతో ఇప్పటికీ సొంతంగా కారు డ్రైవింగ్ చేసుకుంటూ ఆఫీస్ కి వెళుతుందని తెలిపాడు. అయితే చిన్నప్పుడు తనకి ఒక కారు కొనివ్వమని కనక దుర్గ అడిగిందని దాంతో ఇన్నేళ్ల తర్వాత తన తల్లి కోరిక తీర్చినందుకు చాలా సంతోషంగా ఉందని పేర్కొన్నాడు. అలాగే తన తల్లిదండ్రులుతో కారు పక్కన నిలబడి దిగిన ఫోటోలు షేర్ చేశాడు. దీంతో సందీప్ కిషన్ అభిమానులు "గ్రేట్" అంటూ కామెంట్లు చేస్తున్నారు.
ఈ విషయం ఇలా ఉండగా ఇటీవలే సందీప్ కిషన్ హీరోగా నటించిన భైరవకోన సినిమా మంచి హిట్ అయ్యింది. ఈ సినిమాలోని సాంగ్స్ బాగా ట్రెండ్ అయ్యాయి. ప్రస్తుతం సందీప్ కిషన్ తెలుగులో ప్రముఖ డైరెక్టర్ త్రినాధరావు దర్శకత్వం వహిస్తున్న "మజాకా" అనే సినిమాలో హీరోగా నటిస్తున్నాడు. ఈ సినిమాని హాస్య మూవీస్ బ్యానర్ పై ప్రముఖ సినీ నిర్మాత రాజేష్ దండ నిర్మిస్తున్నాడు. ఈ సినిమాకి సంబందించిన క్యాస్ట్ & క్రూ వివరాలు ఇంకా తెలియాల్సి ఉంది.
