హైదరాబాద్ సిటీ, వెలుగు: హైదరాబాద్ జిల్లాలోని దవాఖానలు, అల్ట్రా సౌండ్ స్కానింగ్ కేంద్రాల్లో లింగ నిర్ధారణ పరీక్షలు చేస్తున్నట్లు తెలిస్తే టోల్ ఫ్రీ నంబర్ 1800-599-3366 కు ఫిర్యాదు చేయాలని కలెక్టర్ అనుదీప్ కోరారు. కలెక్టరేట్ సమావేశ మందిరంలో లింగ నిర్ధారణ నిషేధ చట్టంపై బుధవారం ఆయన సమీక్ష నిర్వహించారు. టోల్ ఫ్రీ నంబర్తో పాటు పబ్లిక్ హెల్త్, ఫ్యామిలీ వెల్ఫేర్పై పీహెచ్సీ వైద్య, ఆరోగ్య అధికారుల కరదీపికను ఆవిష్కరించారు. ఈ టోల్ ఫ్రీ నంబర్ను అన్ని స్కానింగ్ సెంటర్లలో ప్రదర్శించాలన్నారు. డిసెంబర్ లో జిల్లాలోని స్కానింగ్ సెంటర్లను తనిఖీ చేయడానికి ప్రత్యేక బృందాలను ఏర్పాటు చేయాలన్నారు.
