ఆర్గనైజర్ షెల్ఫ్
కిచెన్లో టీ, కాఫీ, మసాలా, ఉప్పు, కారం వేసిన చిన్న చిన్న టిన్స్ పెట్టుకునేందుకు అదనంగా ఒక షెల్ఫ్ ఉంటే బాగుండు అనిపిస్తుంది ఒక్కోసారి. అలాంటప్పుడు ఎంతో యూజ్ఫుల్గా ఉండే మ్యాగ్నెటిక్ షెల్ఫ్ బెటర్ అంటోంది ఆర్గనైజ్మీ అనే కంపెనీ. ఎందుకంటే వాళ్లు తయారుచేసిన ఒక్కో మ్యాగ్నెటిక్ షెల్ఫ్ 25X12 సెంటీమీటర్ ఉండి అరకేజీ బరువు ఉంటుంది.
దీన్ని ఫ్రిజ్, ఒవెన్, వాషర్... ఇలా వేటికైనా అతికించేయొచ్చు. హై క్వాలిటీ అల్లాయ్ స్టీల్తో తయారైన ఈ ఫ్లోటింగ్ షెల్ఫ్ చాలా స్ట్రాంగ్గా ఉంటుంది. అంతేకాకుండా ఈ షెల్ఫ్ వెనక అతికించేందుకు వీలుగా రెండు వైపులా స్ట్రాంగ్ మ్యాగ్నెట్ ఉంటుంది. కాబట్టి దీన్ని అమర్చేందుకు ఫ్రిజ్, వాషర్, ఒవెన్లకు హోల్స్ చేయాల్సిన అవసరం లేదు. మరీ ముఖ్యంగా ఇలాంటి షెల్ఫ్ తక్కువ కిచెన్ స్పేస్ ఉన్న ఇళ్లకు ఎంతో ఉపయోగకరం. అపార్ట్మెంట్స్లో ఎక్స్ట్రా స్టోరేజ్ కోసం బెటర్ ఆప్షన్ అని చెప్పొచ్చు.
ఒక్క షెల్ఫ్ ధర: 725 రూపాయలు
రూఫ్ లీకేజ్ అరెస్ట్ !
రూఫ్ లీకేజ్ సమస్య వర్షాకాలంలో ఎక్కువ. ఆ సమస్యకు చెక్ పెట్టేందుకు ఫీడ్ఫైర్ కంపెనీ వాటర్ప్రూఫ్ లీకేజ్ టేప్ తయారుచేసింది. సిల్వర్ రంగులో ఉండే ఈ టేప్ అల్యూమినియం, రబ్బర్తో తయారైంది. దీన్ని ఇంటి కప్పులకే కాదు గోడలకు కూడా వాడొచ్చు. అల్యూమినియం ఫాయిల్లా ఉండే ఈ టేప్ హై పాలీమర్ సింథసిస్ బ్యుటైల్ గ్లూతో ఉండి.. గట్టిగా అతుక్కుపోతుంది. ఈ వాటర్ ప్రూఫ్ అల్యూమినియం ఫాయిల్ టేప్ని గ్లాస్, సిమెంట్, టైల్, ప్లాస్టిక్, మెటల్, నీళ్లలో ఉన్న చెక్క ఇలా వేటిపైన అయినా అతికించొచ్చు.
వాటర్ప్రూఫ్ మెటీరియల్తో తయారుచేయడం వల్ల టేప్ మీద నీళ్లు పడ్డా ఏమీ కాదు. టేప్ మీద కాలు పెట్టినా జారదు. ఎలాగైనా వంచొచ్చు. అందుకని ఎగుడుదిగుడు ప్రాంతాల్లో, మూలల్లో ఎక్కడ లీకేజ్ ఉన్నా ఈ టేప్ను అంటించడం ఈజీ అవుతుంది. కిటికీల దగ్గర ఖాళీ ఉండి గాలి లోపలికి వస్తున్నా అక్కడా అతికించొచ్చు.
ధర: 149 రూపాయలు
ఓల్టేజ్ ప్రొటెక్టర్
కరెంట్ సప్లయ్లో హెచ్చుతగ్గులు వస్తే గృహోపకరణాలు పాడయిపోతాయి. ఇలాంటప్పుడు ఓల్టేజిలో హెచ్చుతగ్గుల ప్రభావం పడకుండా ఇంట్లో ఉండే ఎలక్ట్రికల్ వస్తువులను కాపాడేందుకు గాడిటెస్ ఓల్టేజి ప్రొటెక్టర్ ప్రొ సిరీస్ తెచ్చింది. ఆటో రికవరీ ఎల్ఇడి డిస్ప్లే ఉన్న ఓల్టేజ్ ప్రొటెక్టర్ సింగిల్ ఫేజ్ 220 ఓల్ట్, 63 ఎ 1ఫేజ్ హెవీ డ్యూటీతో పనిచేస్తుంది. ఓవర్, అండర్ ఓల్జేజ్లతో పాటు ఓవర్లోడ్ ప్రొటక్షన్ కూడా ఇస్తుంది. ఓవర్ ఓల్టేజ్ 130 నుంచి 300 వరకు, అండర్ ఓల్టేజ్ 125 నుంచి 229 వరకు ప్రొటెక్ట్ చేస్తుంది.
అంతేకాకుండా 1 నుంచి 63 యాంపియర్ల వరకు ఓవర్ కరెంట్ ప్రొటెక్షన్ ఉంది. ఆటో రీకనెక్ట్ ఫీచర్తో ఉన్న ఈ డివైస్ వల్ల వోల్టేజ్ హెచ్చుతగ్గులను ఇన్స్టంట్గా పవర్ సప్లయ్ కటాఫ్ చేస్తుంది. పవర్ సప్లయ్ నార్మల్ అయ్యాక సప్లయ్ను ఆటోమేటిక్గా ఒకటి నుంచి 900 సెకన్లలోపు రీ కనెక్ట్ చేస్తుంది. ఎటువంటి అంతరాయం ఉండదు. అంతేకాకుండా మీ అవసరాలకు తగ్గట్టు రీ కనెక్ట్ టైం, కటాఫ్ వాల్యూలను కస్టమైజ్ చేసుకోవచ్చు. ఈ డివైజ్ మ్యాగ్జిమమ్ సస్టెయినబుల్ వోల్టేజ్ 440 ఓల్ట్లు. అంటే సేఫ్టీ రేంజ్ లోపల పనిచేసేలా ఇది తయారైంది. ఈ ప్రొడక్ట్ మాన్యుఫ్యాక్చరింగ్ లోపాలేమైనా ఉంటే ఏడాది వరకు వారెంటీ ఉంది.
ధర: 1389 రూపాయలు
సింక్కి టేప్ సీలింగ్
కిచెన్ సింక్ దగ్గర గిన్నెలు కడిగాక, హాల్ వాష్ బేసిన్ దగ్గర చేతులు కడుక్కున్న తరువాత కింద నీళ్లు పడి చిత్తడిగా అవుతుంది. పెద్దవాళ్లు, చిన్న పిల్లలు జారిపడే ప్రమాదం కూడా ఉంటుంది. ఇలాంటప్పుడే మీకు కౌల్కింగ్ సీలింగ్ టేప్ అతికించేయాలి. కనుర్వెన్ కంపెనీ తెచ్చిన ఈ పీవీసీ సెల్ఫ్ అడెహెసివ్ స్ట్రిప్ని కిచెన్ సింక్ ప్లాట్ఫామ్, టాయిలెట్, బాత్రూమ్ షవర్, బాత్ టబ్ దగ్గర... నీళ్లు ఎక్కడైతే పడతాయో అక్కడ వాడొచ్చు. ఈ స్ట్రిప్ టేప్ 3.2 మీటర్లు ఎత్తు 3.8 సెంటీమీర్లు వెడల్పుతో తెలుపురంగులో దొరుకుతుంది. ఈ మెటీరియల్ ఎటంటే అటు వంగుతుంది. అందుకని దీన్ని మూలల్లో కూడా వాడొచ్చు. గోడల మూలల్లో ఎక్కడ గ్యాప్స్ ఉన్నా ఈ టేప్ అతికించేయొచ్చు. ఎక్కడ తేమ అవుతుందంటే అక్కడ అతికించేయడమే.
కాకపోతే అతికించేముందు ఆ ప్రాంతాన్ని బాగా శుభ్రం చేయాలి. బాగా అతుక్కోవాలంటే హెయిర్డ్రయ్యర్ వాడొచ్చు. ఒకసారి అతికించాక12 గంటలు దానిమీద నీళ్లు పడకూడదు. ఇది వాటర్ప్రూఫ్ టేప్. పీవీసీ, యాక్రిలిక్ సీలెంట్తో తయారైన ఇది హీట్ రెసిస్టెంట్. అందుకని కిచెన్ గట్టు వేడి వల్ల టేప్ పాడవుతుందని ఆలోచించాల్సిన అవసరంలేదు. ఇది డెకొరేటివ్ లైన్లా ఉంటుంది. కిచెన్లోనే కాకుండా బాత్, సింక్, షవర్, బాత్టబ్, గ్యాస్స్టవ్ ల దగ్గర వాడొచ్చు.
ధర: 249 రూపాయలు
