హైదరాబాద్, వెలుగు: నీట్ ఫలితాల్లో దేశవ్యాప్తంగా శ్రీచైతన్య ఎడ్యుకేషనల్ ఇన్స్టిట్యూట్స్ విద్యార్థులు టాప్ ర్యాంకులు సాధించారు. గురువారం మాదాపూర్‌‌‌‌లోని ఎన్‌‌సీసీ బిల్డింగ్ లో విద్యా సంస్థల అకాడమిక్ డైరెక్టర్, ఇన్ఫినిటీ లెర్న్ ఫౌండర్ - డైరెక్టర్ సుష్మ విద్యార్థుల ర్యాంకులను వెల్లడించారు. ఈ సందర్భంగా నిర్వహించిన ప్రెస్మీట్లో ఆమె మాట్లాడారు. దేశంలో నిష్ణాతులైన టాప్ ఫ్యాకల్టీతో ఆన్లైన్, ఆఫ్‌‌లైన్ విధానాల్లో ట్రైనింగ్ అందించామన్నారు. వివిధ ప్రోగ్రామ్‌‌లు, మైక్రో షెడ్యూల్స్, ఇంటర్నల్ ఎగ్జామ్స్, ర్యాంకింగ్ సిస్టమ్స్‌‌తో ఈ రిజల్ట్స్ సాధించగలిగామన్నారు.
నీట్ ఎంట్రెన్స్ కోసం దేశవ్యాప్తంగా స్టూడెంట్స్ తమ ఇన్స్టిట్యూట్ను కోరుకుంటున్నారని తెలిపారు. విద్యార్థులను, వారి తల్లిదండ్రులను, టీచింగ్, నాన్ టీచింగ్ స్టాఫ్ కి శ్రీ చైతన్య విద్యాసంస్థల అధినేత డా. బి.ఎస్ రావ్ అభినందనలు తెలిపారు. ఆలిండియా లెవల్‌‌లో రెండో ర్యాంక్ ను జాదవ్ వరద్ వైభవ్, మూడో ర్యాంక్ గుల్ల హర్షవర్ధన్ నాయుడు సాధించారు. ఆలిండియా ఓపెన్ కేటగిరిలో ఐదో ర్యాంక్ ని ఎర్రబెల్లి సిద్ధార్థ్ రావ్, ఏడో ర్యాంక్ అర్పిత్ నారంగ్, ఎనిమిదో ర్యాంక్ క్రిష్ణ ఎస్.ఆర్ సాధించారు. ఓపెన్ కేటగిరిలో టాప్ 100లోపు 14ర్యాంకులు, ఆల్ కేటగిరీల్లో ర్యాంకులు సాధించడంతో పాటు టాప్ 10లోపు 14ర్యాంకులు, 100లోపు 69ర్యాంకులను సొంతం చేసుకున్నారు.
