అలంపూర్, వెలుగు: జోగులాంబ, బాల బ్రహ్మేశ్వర స్వామిని శుక్రవారం టూరిజం శాఖ ఎండీ ప్రకాశ్ రెడ్డి దర్శించుకున్నారు. ఈవో పురంధర్ కుమార్, అర్చకులు ఆయనకు ఆహ్వానం పలికి ఉభయ ఆలయాల్లో ప్రత్యేక పూజలు చేయించారు. అనంతరం ఆలయ పరిసరాల్లో నిర్మాణంలో ఉన్న ప్రసాద్ స్కీం బిల్డింగ్ను ఆయన పరిశీలించారు. పనులు స్పీడప్ చేసి భక్తులకు అందుబాటులోకి తేవాలని ఆదేశించారు.
పూజా సామగ్రి సప్లైకు సీల్డ్ టెండర్లు..
ఏడాది పాటు అలంపూర్ ఆలయాలకు పూజ, కిరాణా సామాగ్రి సప్లై చేసేందుకు ఆలయ ప్రాంగణంలో శుక్రవారం దేవాదాయ శాఖ అధికారులు సీల్డ్ టెండర్లు నిర్వహించారు. మహబూబ్నగర్, హైదరాబాద్ తదితర ప్రాంతాలకు చెందిన పలు ఏజెన్సీలు టెండర్లు దక్కించుకున్నట్లు దేవాదాయ శాఖ అసిస్టెంట్ కమిషనర్ శ్రీనివాసరాజు తెలిపారు.
