టొయోటా కిర్లోస్కర్ మోటార్ (టీకేఎం) ప్రసిద్ధ మోడళ్లైన గ్లాంజా, అర్బన్ క్రూయిజర్ టైసర్, అర్బన్ క్రూయిజర్ హైరైడర్‌‌‌‌లలో ప్రత్యేకమైన లిమిటెడ్ ఎడిషన్ మోడల్స్ను విడుదల చేసింది. వీటిపై రూ. లక్ష పైన ప్రత్యేకమైన ఇయర్ ఎండ్ ఆఫర్‌‌‌‌లను అందిస్తున్నామని తెలిపింది. ఈ ఆఫర్లు 31 డిసెంబర్ 2024 వరకు కొనసాగుతాయి. బుకింగ్స్ టొయోటా డీలర్‌‌‌‌షిప్‌‌‌‌లలో మొదలయ్యాయి.
ఆన్లైన్లోనూ బుక్ చేసుకోవచ్చని కంపెనీ తెలిపింది. ఈ కార్లు టయోటా జెన్యూన్ యాక్సెసరీస్ ప్యాకేజీలతో వస్తాయని కూడా ప్రకటించింది. వీటిలో 3డీ ఫ్లోర్ మ్యాట్‌‌‌‌లు, డోర్ వైజర్‌‌‌‌లు, గ్రిల్ గార్నిష్, మడ్ ఫ్లాప్స్, బాడీ క్లాడింగ్, హెడ్‌‌‌‌ల్యాంప్ గార్నిష్ వంటివి ఉంటాయి.
