- రిటైర్డ్ ఎంప్లాయిస్ సమస్యలను పరిష్కరిస్తం
హైదరాబాద్: రిటైర్డ్ఎంప్లాయిస్ సమస్యల పరిష్కారానికి కృషి చేస్తానని టీ పీసీసీ అధ్యక్షుడు బొమ్మ మహేశ్కుమార్ గౌడ్ అన్నారు. గాంధీ భవన్ లో నిజామాబాద్, కామారెడ్డి, నిర్మల్, హైదరాబాద్ జిల్లాలకు చెందిన విశ్రాంత ఉద్యోగులు మహేశ్కుమార్ గౌడ్ ను మర్యాదపూర్వకంగా కలిసి అభినందనలు తెలిపారు. ఈ సందర్భంగా వారు తాము ఎదుర్కొంటున్న ఈహెచ్ఎస్, పలు సమస్యలను పీసీసీ చీఫ్ దృష్టికి తీసుకువచ్చారు.
ALSO READ | మూసీలో ఇప్పటి వరకు ఒక్క పేదవాడి ఇల్లు కూల్చలేదు : టీ పీసీసీ చీఫ్
అనంతరం మహేశ్ మాట్లాడుతూ కాంగ్రెస్ ప్రభుత్వం ఉద్యోగులతో స్నేహపూర్వకంగా మెలుగుతోందన్నారు. ‘కేసీఆర్లాగా ఉత్తుత్తి జీవోలు విడుదల చేయం. ముఖ్యమంత్రి రేవంత్ రెడ్డి ఎంతో బాధ్యతతో రాష్ట్రాన్ని పాలిస్తున్నారు. ఈహెచ్ఎస్ పథకం ద్వారా ప్రభుత్వ ఆస్పత్రుల్లో మెరుగైన వైద్యం అందిస్తం. విశ్రాంత ఉద్యోగుల సంఘం భవన నిర్మాణానికి సీఎంతో చర్చించి త్వరలో సానుకూల నిర్ణయం తీసుకుంటాం’ అని తెలిపారు.
