హైదరాబాద్: తెలంగాణ విలీనం అయినప్పుడు బీజేపీ పుట్టనే లేదని, బీజేపీ దిగజారుడు రాజకీయాలు చేస్తుందని టీపీసీసీ ఛీప్ మహేశ్ కుమార్ గౌడ్ విమర్శించారు. ఇవాళ గాంధీభవన్వద్ద తెలంగాణ ప్రజాపాలన దినోత్సవం సందర్భంగా జాతీయ జెండాను ఎగురవేశారు. ఈ సందర్భంగా ఆయన మాట్లాడారు.. తెలంగాణ విలీనం గురించి మాట్లాడే హక్కు బీజేపీకి లేదన్నారు. సర్ధార్వల్లభాయ్పటేల్కు బీజేపీకి ఏం సంబంధం. వల్లభాయ్పటేల్ను బీజేపీ తన నాయకుడిగా చెప్పుకుంటుంది. కాంగ్రెస్వల్లనే దేశానికి స్వాతంత్రం వచ్చింది. దేశంలో హైదరాబాద్సంస్థానం విలీనం అయింది. సెప్టెంబర్ 17 1948 వరకు మన సంస్థానంకి స్వతంత్రం రాలేదు. దూర దృష్టి తో అప్పటి ప్రధాని నెహ్రూ సర్దార్ వల్లభాయ్ పటేల్ని పంపి దేశంలో విలీనం చేయించారు. చరిత్ర తెలుసుకోకుండా అందరూ మాట్లాతున్నారు. స్వతంత్ర ఉద్యమంలో బీజేపీ పాత్రనే లేదు.
అనాడు ఉన్న ఇప్పటీ బీజేపీ అనుబంధ సంఘాలు బ్రిటిష్ పాలకులకు వత్తాసు పలికారు. పదేళ్లు తెలంగాణను కేసీఆర్తుంగలో తొక్కారు. రాజీవ్ గాంధీ విగ్రహం పెడితే ఇష్టం వచ్చినట్టు మాట్లాడుతున్నారు. ఐటీ రంగాన్ని దేశానికి పరిచయం చేసింది రాజీవ్ గాంధీ. కేటీఆర్ సంస్కారం లేకుండా మాట్లాడుతున్నారు. కేటీఆర్కు పదేళ్లు తెలంగాణ తల్లి గుర్తుకు రాలేదా? తెలంగాణ తల్లిని గౌరవించాలని.. తెలంగాణ తల్లి విగ్రహాన్ని ప్రభుత్వం సెక్రటేరియట్ గుండెల్లో పెడుతుంది. బీజేపీ పెట్టే చిచ్చులో పడదామా..? కాంగ్రెస్ ఇచ్చే సంక్షేమ పథకాలను పొంది రాష్ట్రాన్ని అభివృద్ధి పథంలో నడుద్దామా..? ప్రజలు ఆలోచన చేయాలని పీసీసీ చీఫ్ అన్నారు.
