జడ్చర్ల టౌన్,వెలుగు : జడ్చర్ల అసెంబ్లీ స్థానం నుంచి బరిలో నిలిచే అభ్యర్థి పేరును రెండు, మూడు రోజు ల్లో హైకమాండ్ ప్రకటిస్తుందని టీపీసీసీ వైస్ ప్రెసిడెంట్ మల్లురవి తెలిపారు. గురువారం పట్టణంలో విలేఖరులతో మాట్లాడుతూ ఎమ్మెల్యేగా తాను పోటీలో నిలబడనునట్లు సోషల్ మీడియాలో వస్తున్న వార్తలను ఖండించారు. తాను నాగర్ కర్నూల్నుంచే పార్లమెంట్బరిలోనే నిలబడనున్నట్లు మరోసారి స్పష్టం చేశారు.
ALSO READ : రాష్ట్రంలో వైద్య విప్లవం .. జిల్లాకో మెడికల్ కాలేజీ ఏర్పాటు చేస్తున్నం: హరీశ్ రావు
జడ్చర్ల టికెట్ కోసం పోటీ పడుతున్న ఎర్ర శేఖర్, అనిరుద్ రెడ్డిలతో హైకమాండ్ చర్చించిందని, ఒకరికి జడ్చర్ల, మరొకరికి ఇంకోచోట టికెట ఇవ్వాలనే నిర్ణయం తీసుకుందన్నారు. ఆరు గ్యారంటీ పథకాలతో ప్రజలు కేసీఆర్ కు వారంటీ ఇస్తారన్నారు. కార్యక్రమంలో బూర్ల వెంకటయ్య, మీనాజ్, నిత్యానందం, బుక్కా వెంకటేశం పాల్గొన్నారు.
