- సీఎం రేవంత్ రెడ్డికి టీపీజేఎంఏ వినతి
హైదరాబాద్, వెలుగు : రాష్ట్రంలోని జూనియర్ కాలేజీల సమస్యలు పరిష్కరించాలని తెలంగాణ ప్రైవేటు జూనియర్ కాలేజీల మేనేజ్ మెంట్ల సంఘం (టీపీజేఎంఏ) రాష్ట్ర అధ్యక్షుడు గౌరీ సతీష్ ప్రభుత్వాన్ని కోరారు. గురువారం సీఎం రేవంత్ రెడ్డిని కలిసి ఆయన వినతిపత్రం అందించారు. ఈ సందర్భంగా గౌరీ సతీష్ మాట్లాడుతూ...పెండింగ్ లో ఉన్న ప్రైవేటు జూనియర్ కాలేజీల అఫిలియేషన్ పాటు స్కాలర్ షిప్ల పెంపు విషయాన్ని సీఎం దృష్టికి తీసుకుపోయినట్టు చెప్పారు.
దీనికి సీఎం సానుకూలంగా స్పందించి, సమస్యల పరిష్కారానికి సీఎంవో సెక్రటరీ, హోంశాఖ, ఫైర్ సేఫ్టీ అధికారులను ఆదేశించినట్టు పేర్కొన్నారు. ఈ నేపథ్యంలో సోమవారం ప్రైవేటు కాలేజీల మేనేజ్మెంట్లతో ఇంటర్ బోర్డు సెక్రటరీ కృష్ణ ఆదిత్య సమావేశం ఏర్పాటు చేశారని వెల్లడించారు.
