బోధన్, వెలుగు: నిజాం షుగర్స్ ఫ్యాక్టరీని ప్రభుత్వమే స్వాధీనం చేసుకొని, తన ఆధ్వర్యంలో నడిపించాలని కార్మిక సంఘం లీడర్లు డిమాండ్చేశారు. ఫ్యాక్టరీ కార్మికులు శుక్రవారం సమావేశమై పలు సమస్యలపై చర్చించారు. ఈ సందర్భంగా వారు మాట్లాడుతూ.. సీఎం రేవంత్రెడ్డి నిజాం షుగర్స్పై కమిటీ వేయడాన్ని స్వాగతిస్తున్నామన్నారు. ఫ్యాక్టరీని పరిశీలించడానికి వచ్చే కమిటీ సభ్యులకు తమ సమస్యలను విన్నవించాలని నిర్ణయించారు.
ఫ్యాక్టరీ లే ఆఫ్ అయిన నుంచి ఇప్పటి వరకు కార్మికులకు జీతాలు చెల్లించాలని, వారిని రాష్ట్ర ప్రభుత్వ ఉద్యోగులుగా గుర్తించాలని, ఫ్యాక్టరీ మూతపడిందన్న బాధతో హార్ట్ఎటాక్తో చనిపోయిన కార్మికుల కుటుంబాలను ఆదుకోవాలని కమిటీ సభ్యులకు విన్నవించనున్నట్లు కార్మిక సంఘం నాయకులు తెలిపారు. కార్యక్రమంలో ఉపేందర్, నాగుల రవిశంకర్ గౌడ్, రహామత్అలీ, బాలకృష్ణ, శ్రీనివాస్, ప్రకాశ్, అనిల్కుమార్, స్వామి, ఖాజా పాల్గొన్నారు.
