హైదరాబాద్, వెలుగు : నిమజ్జనం సందర్భంగా ట్రాఫిక్ ఆంక్షలు విధించారు. ఇవి బుధవారం ఉదయం 10 గంటల వరకు అమలులో ఉంటాయి. సికింద్రాబాద్ నుంచి వచ్చే విగ్రహాలను సంగీత్‌, ప్యాట్నీ, రాణిగంజ్‌, ఎంజీ రోడ్, -కర్బాల మైదాన్ నుంచి పీవీఎన్‌ఆర్‌, ఎన్టీఆర్ మార్గ్ వైపు మళ్లిస్తారు.చిలకలగూడ క్రాస్ రోడ్డు నుంచి వచ్చే వాటిని గాంధీ హాస్పిటల్, ఆర్టీసీ క్రాస్ రోడ్స్, నారాయణగూడ ఫ్లైఓవర్, క్రాస్ రోడ్స్ మీదుగా హిమయత్‌నగర్ వై జంక్షన్, లిబర్టీ వద్ద ప్రధాన శోభాయాత్రలో కలుపుతారు. ఉప్పల్ నుంచి వచ్చే విగ్రహాలను రామంతాపూర్, -అంబర్పేట జంక్షన్, తిలక్‌నగర్‌, ఓయూ ఎన్‌సీసీ,- హిందీ మహా విద్యాలయ్ క్రాస్ రోడ్స్,- ఫీవర్ హాస్పిటల్,-బర్కత్ పురా క్రాస్ రోడ్స్, -నారాయణగూడ క్రాస్ రోడ్స్ మీదుగా ప్రధాన శోభాయాత్రలో కలుపుతారు.
దిల్ సుఖ్ నగర్, సైదాబాద్ నుంచి వచ్చే విగ్రహాలు ఐఎస్ సదన్, చంచల్ గూడ, నల్గొండ క్రాస్ రోడ్స్, అంబర్పేట, ముసారాంబాగ్‌ మీదుగా ప్రధాన శోభాయాత్రకు చేరుకుంటాయి. టోలీచౌకి, మెహిదీపట్నం నుంచి వచ్చే విగ్రహాలు మాసబ్ ట్యాంక్, -అయోధ్య జంక్షన్, -నిరంకారి భవన్, -ఓల్డ్ సైఫాబాద్ పీఎస్, -ఇక్బాల్ మినార్ మీదుగా ఎన్టీఆర్ మార్గ్ చేరుకోవాలి. సీతారాంబాగ్,-బోయిగూడ కమాన్, -ఓల్గా హోటల్,-అలస్కా మీదుగా మొజంజాహీ మార్కెట్ వద్ద ప్రధాన శోభాయాత్రలో కలుస్తాయి.
నిమజ్జనం తర్వాత వెళ్లాల్సిన రూట్లు
అప్పర్ ట్యాంక్‌బండ్‌పై నుంచి చిల్డ్రన్స్ పార్క్, డీబీఆర్ మిల్స్, కవాడిగూడ, ముషీరాబాద్ వైపు వెళ్లాలి. ఎన్టీఆర్ మార్గ్ నుంచి నెక్లెస్ రోడ్, ఖైరతాబాద్ ఫ్లైఓవర్, వీవీ స్టాచ్యూ, కేసీపీ జంక్షన్ మీదుగా గమ్య స్థానాలకు చేరుకోవాలి.
ట్రాఫిక్ డైవర్షన్స్..
కేశవగిరి, మహబూబ్‌నగర్ క్రాస్ రోడ్స్, ఇంజన్ బౌలి, నాగులచింత, హిమ్మత్‌పురా, హరిబౌలి, అష్ర హాస్పిటల్, మొఘల్‌పురా, మదీనా క్రాస్రోడ్స్, ఎంజే బ్రిడ్జి, దారుషఫా క్రాస్ రోడ్స్, సిటీ కాలేజీ, చాపల్‌రోడ్-, జీపీఓ గద్వాల్ సెంటర్, శాలిమార్ థియేటర్-, గన్‌ఫౌండ్రి, కంట్రోల్ రూం, కళాంజలి,- లిబర్టీ, జీహెచ్ఎంసీ వై జంక్షన్,- తెలుగు తల్లి ఫ్లై ఓవర్, బీఆర్‌కే భవన్ జంక్షన్, -ఇక్బాల్ మినార్, రవీంద్ర భారతి, ద్వారకా హోటల్, ఖైరతాబాద్ జంక్షన్(విశ్వేశ్వరయ్య స్టాచ్యూ), చిల్డ్రన్ పార్క్, వైస్రాయ్ హోటల్, కవాడిగూడ జంక్షన్, ముషీరాబాద్ క్రాస్ రోడ్స్, లోయర్ ట్యాంక్ బండ్‌ కట్టమైసమ్మ టెంపుల్, ఇందిరా పార్కు జంక్షన్, నయాపూల్‌ క్రాస్ రోడ్స్, రంగ్‌మహల్జంక్షన్‌, చాదర్‌‌ఘాట్ జంక్షన్ తదితర చోట్ల డైవర్షన్స్ ఉంటాయి.
