ఎల్బీనగర్, వెలుగు: మోడిఫైడ్ సైలెన్సర్లు, హెవీ హారన్స్ ఉన్న బైక్లపై పోలీసులు కొరడా ఝళిపిస్తున్నారు. ఎల్బీనగర్ ట్రాఫిక్ డీసీపీ శ్రీనివాస్, ఏసీపీ నవీన్ రెడ్డి ఆదేశాలతో ఎల్బీనగర్ ట్రాఫిక్ పోలీసులు గురువారం స్పెషల్ డ్రైవ్ చేపట్టారు. మోడిఫైడ్ సైలెన్సర్లు ఉన్న 9 బైక్లు, హెవీ హారన్స్ ఉన్న మరో 13 బైక్లకు చలాన్లు విధించారు. భారీ శబ్దాలు వస్తున్న వీటిని వెంటనే తొలగించాలని, లేదంటే చట్టపరమైన చర్యలు తప్పవని హెచ్చరించారు. ఇదే విషయాన్ని రాచకొండ పోలీసులు ట్విటర్ (ఎక్స్) లో ‘స్పెషల్ డ్రైవ్ అలర్ట్’ అని మెన్షన్ చేస్తూ పోస్ట్ చేశారు. ఇలాంటి వాటిపై స్పెషల్ ఫోకస్ ఉంటుందని పేర్కొన్నారు.
