- పెద్దపల్లి జిల్లాకేంద్రంగా మారాక పెరిగిన రద్దీ
- పట్టణంలో పార్కింగ్ స్థలాలు లేక వాహనదారుల పరేషాన్‌
- అస్తవ్యస్తంగా ట్రాఫిక్ సిగ్నల్స్
- రోజూ ఏదోచోట ప్రమాదాలు
- బైపాస్ నిర్మించాలని పట్టణవాసుల డిమాండ్
పెద్దపల్లి, వెలుగు : పెద్దపల్లి జిల్లా కేంద్రంలో ట్రాఫిక్ కష్టాలు వెంటాడుతున్నాయి. ముఖ్యంగా రాజీవ్ రహదారి టౌన్‌ నడిబొడ్డు నుంచే వెళ్తుండడంతో దూర ప్రాంతాలకు వెళ్లే వాహనాలతో రద్దీ పెరుగుతోంది. పెద్దపల్లి జిల్లాకేంద్రంగా మారాక ట్రాఫిక్ రెట్టింపయింది. టౌన్‌‌‌‌‌‌‌‌‌‌‌‌‌‌‌‌లో సరైన పార్కింగ్ స్థలాలు లేకపోవడంతో రోడ్లపైనే నిలపాల్సిన పరిస్థితి. దీంతో రోడ్లు ఇరుగ్గా మారి వాహనదారులు ఇబ్బందులు పడుతున్నారు. మరోవైపు రాజీవ్ హైవేపై రద్దీ పెరగడంతో పెద్దపల్లి టౌన్‌‌‌‌‌‌‌‌‌‌‌‌‌‌‌‌కు బైపాస్ నిర్మించాలని పట్టణవాసులు డిమాండ్ చేస్తున్నారు. మున్సిపల్‌ అధికారులు పట్టణంలో పార్కింగ్ స్థలాలు ఏర్పాటు చేయాలని కోరుతున్నారు.
ఉదయం 10 గంటలైతే రోడ్లు బిజీ
పెద్దపల్లి జిల్లాగా మారిన తర్వాత ట్రాఫిక్ పెరిగిపోయింది. పెద్దపల్లి పట్టణం నడిబొడ్డు నుంచే రాజీవ్ రహదారి వెళ్తుండడంతో రద్దీతో పాటు రోజూ ఏదోచోట ప్రమాదం జరుతుంది. ఈ రహదారి ఉదయం 10 గంటల నుంచి రాత్రి 11 గంటల వరకు బిజీగా ఉంటుంది. హైవే పక్కన ఉన్న వ్యాపార సముదాయాల ఎదుట పార్కింగ్ స్థలాలు లేకపోవడంతో వాహనదారులు తమ వాహనాలను ఎక్కడ పడితే అక్కడ పార్క్ చేస్తున్నారు. అలాగే పెద్దపల్లి పట్టణంలో ట్రాఫిక్ సిగ్నల్స్ ఏర్పాటు కూడా సక్రమంగా లేదనే విమర్శలున్నాయి.
100 మీటర్ల దూరంలోనే అయ్యప్ప టెంపుల్, బస్టాండ్ సమీపంలో సిగ్నల్స్ ఏర్పాటు చేశారు. వీటి నిర్వహణ అంతంతమాత్రంగానే ఉంది. షాపింగ్ సెంటర్ల ముందు ఎలాంటి పార్కింగ్లు లేవు, కనీసం సెల్లార్లు కూడా లేవు. సెల్లార్లు లేకుండా బిల్డింగ్‌‌‌‌‌‌‌‌‌‌‌‌‌‌‌‌లు కడుతున్నా సంబంధిత అధికారులు పట్టించుకోవడం లేదన్న ఆరోపణలున్నాయి. షాపుల ముందు పుట్పాత్‌‌‌‌‌‌‌‌‌‌‌‌‌‌‌‌లను ఆక్రమించుకొని వస్తువులు, బోర్డులను పెట్టుకుంటున్నారు. పట్టణంలో రాజీవ్ రహదారిని ఆనుకొని ఇరువైపులా అక్కడక్కడా మద్యం షాపులు, బార్లు ఉన్నాయి. మందు తాగేందుకు వచ్చేవారు గంటల తరబడి షాపుల ముందు తమ వాహనాలను పార్క్ చేసి ఉంచుతున్నారు.
బైపాస్కు డిమాండ్..
పెద్దపల్లి పట్టణానికి బైపాస్ నిర్మించాలని డిమాండ్ పెరిగిపోయింది. పెద్దపల్లి జిల్లాగా ఏర్పాటైన తర్వాత బైపాస్, రింగ్ రోడ్డు నిర్మాణాల చర్చ తెరమీదకు వచ్చింది. పెద్దపల్లి మండలం పెద్దకల్వల నుంచి చందపల్లి మీదుగా అప్పన్నపేట వరకు, పెద్దకల్వల నుంచి హన్మంతునిపేట మీదుగా అప్పన్నపేట వరకు ప్రపోజల్స్‌ తయారు చేశారు. కానీ అది ఇప్పటివరకు ఆచరణలోకి రాలేదు.
కొత్తగా ఏర్పాటైన కాంగ్రెస్ సర్కార్లో పెద్దపల్లి ఎమ్మెల్యే విజయరమణారావు బైపాస్ నిర్మాణాన్ని సీరియస్గా తీసుకున్నట్లు కన్పిస్తుంది. ఇటీవల ఆర్అండ్బీ అధికారుల, రెవెన్యూ అధికారులతో కలిసి బైపాస్ రోడ్డు నిర్మాణ స్థలాలను పరిశీలించారు. పెద్దపల్లి పట్టణానికి బైపాస్ నిర్మిస్తే 90 శాతం ట్రాఫిక్ సమస్య తీరుతుంది.
పెయిడ్ పార్కింగ్లు ఏర్పాటు చేయాలే
పట్టణాల్లో పెరిగినపోయిన ట్రాఫిక్ సమస్యను పరిష్కరించడానికి మున్సిపాలిటీల ఆధ్వర్యంలో పెయిడ్ పార్కింగ్లు ఏర్పాటు చేయాలని పట్టణవాసులు డిమాండ్ చేస్తున్నారు. కార్ల కోసం జూనియర్ కాలేజీ ముందు పార్కింగ్ ఏర్పాటు చేసినట్లు ఆటోలకు కూడా పార్కింగ్ ఏర్పాటు చేయాలి. ప్రధాన కూడళ్ల వద్ద పెయిడ్ పార్కింగ్లు ఏర్పాటు చేస్తే ట్రాఫిక్ సమస్య తీరుతుందని వాహనదారులు అంటున్నారు.
