గచ్చిబౌలి, వెలుగు: గచ్చిబౌలి జీఎంసీ బాలయోగి స్టేడియంలో ఈ నెల 3, 6, 9 తేదీల్లో ఇంటర్నేషనల్ ఫుట్బాల్మ్యాచ్లు జరగనున్నాయి. ఈ మ్యాచ్లలో ఇండియా, సిరియా, మారిషస్దేశాలు తలపడనున్నాయి. ఈ నేపథ్యంలో స్టేడియం పరిసర ప్రాంతాల్లో పోలీసులు ట్రాఫిక్ఆంక్షలు విధించారు. 3, 6, 9 తేదీల్లో సాయంత్రం 4 నుంచి రాత్రి 10 గంటల వరకు ట్రాఫిక్ డైవర్షన్ఉంటుందని సైబరాబాద్ ట్రాఫిక్ జాయింట్సీపీ జోయల్డేవిస్ ఉత్తర్వులు జారీ చేశారు.
గచ్చిబౌలి జంక్షన్నుంచి లింగంపల్లి వైపు వెళ్లే వెహికల్స్జీపీఆర్ఏ క్వార్టర్స్, గోపిచంద్ అకాడమీ, విప్రో జంక్షన్, గోపన్పల్లి, నల్లగండ్ల ఫ్లైఓవర్ మీదుగా మళ్లిస్తారు. లింగంపల్లి నుంచి గచ్చిబౌలి జంక్షన్ వైపు వచ్చే వాహనాలు హెచ్సీయూ డిపో, మజీద్ బండ, బొటానికల్గార్డన్ సిగ్నల్ మీదుగా వెళ్లాల్సి ఉంటుంది. వీటితోపాటు విప్రో జంక్షన్నుంచి ఐఐఐటీ జంక్షన్రూట్లో కూడా ట్రాఫిక్డైవర్షన్ అమలులో ఉంటుందని ట్రాఫిక్ జాయింట్ సీపీ తెలిపారు. ఐటీ ఉద్యోగులు, క్యాబ్డ్రైవర్లు, ఇతర వాహనదారులు పోలీసులకు సహరించాలని కోరారు.
