హైదరాబాద్ సిటీ, వెలుగు: జీహెచ్ఎంసీ చేపట్టిన ఎస్ఆర్డీపీ శిల్పా లేఅవుట్ ఫేజ్-–2 ఫ్లైఓవర్ పనుల్లో భాగంగా గచ్చిబౌలి జంక్షన్లో సైబరాబాద్ ట్రాఫిక్ పోలీసులు ఆంక్షలు విధించారు. గురువారం నుంచి 2 నెలల పాటు జెడ్పీహెచ్ఎస్ యూ టర్న్ నుంచి గచ్చిబౌలి వైపు అత్యవసర పనులు జరగనున్నాయి. గచ్చిబౌలిలోని పిల్లర్ నెం.24 వద్ద వాహనాల రాకపోకలు నెమ్మదిగా సాగితే ప్రయాణికులు, స్థానికులకు తీవ్ర ఇబ్బందులు తలెత్తే అవకాశం ఉంది.
జడ్పీహెచ్ఎస్ యూ టర్న్ నుంచి వచ్చే వాహనాలను రోలింగ్హిల్స్ వద్ద శిల్పా ఫ్లైఓవర్ లేదా రాడిసన్ హోటల్, డీఎల్ఎఫ్, ఐఐఐటీ జంక్షన్ మీదుగా గచ్చిబౌలి వైపు మళ్లిస్తారు. గచ్చిబౌలి నుంచి కొండాపూర్ వెళ్లే వాహనాలను డీఎల్ఎఫ్ రోడ్డు, రాడిసన్ హోటల్ ఎడమ మలుపు మీదుగా మళ్లిస్తారు.
