సికింద్రాబాద్, వెలుగు: రాష్ట్రపతి ద్రౌపది ముర్ము శీతాకాల విడిది కోసం మంగళవారం సిటీకి వస్తున్నారు. ఈ నేపథ్యంలో ఈ నెల17 నుంచి 21వరకు సిటీలోని పలు ప్రాంతాలో ట్రాఫిక్ ఆంక్షలు విధిస్తున్నట్లు ట్రాఫిక్ అడిషనల్ సీపీ విశ్వప్రసాద్తెలిపారు. ద్రౌపది ముర్ము ఐదు రోజుల పాటు బొల్లారంలోని రాష్ట్రపతి నిలయంలో బస చేయనున్నారు.
మంగళవారం సాయంత్రం 5 గంటల నుంచి 7 గంటల మధ్య హకీంపేట ఎయిర్పోర్టు, బొల్లారం చెక్పోస్ట్, యాప్రాల్రోడ్, అమ్ముగూడ, లోతుకుంట, టివోలి జంక్షన్, రసూల్పురా, బేగంపేట ఫ్లైఓవర్, పంజాగుట్ట, యశోద ఆసుపత్రి, రాజ్భవన్ మార్గాల్లో ట్రాఫిక్ ఆంక్షలు అమలులో ఉంటాయని అడిషనల్సీపీ తెలిపారు. 20, 21 తేదీల్లో అమ్ముగూడ, లోతుకుంట, తిరుమలగిరి, బేగంపేట, పంజాగుట్ట ప్రాంతాల్లో ట్రాఫిక్ఆంక్షలు విధిస్తున్నట్లు చెప్పారు.
