రైలులో బాలలను అక్రమంగా రవాణా చేస్తున్న వారిని పోలీసులు అదుపులోకి తీసుకున్నారు. ఈ ఘటన ఖమ్మం రైల్వే స్టేషన్ పరిధిలో జరిగింది. పోలీసులు తెలిపిన వివరాల ప్రకారం.,. బాలల అక్రమ రవాణా జరుగుతోందనే సమాచారాన్ని తెలుసుకున్న కైలాష్ సత్యార్థి ఫౌండేషన్, ఆర్పీఎఫ్జీఆర్పీ అధికారులు ఈస్ట్ కోస్ట్ ఎక్స్ప్రెస్ రైలులో అక్రమంగా తరలిస్తున్న నలుగురు బాలలను రక్షించారు.
విజయవాడ ఖమ్మం మధ్యలో ఈ రెస్క్యూ ఆపరేషన్ నిర్వహించారు. అనుమానిత వ్యక్తుల నుంచి వారిని రక్షించిన అనంతరం వారిని బాలల సంక్షేమ కమిటీ ముందు ప్రవేశపెట్టారు. వారిని వెస్ట్బెంగాల్ నుంచి తీసుకొచ్చినట్లుగా హైదరాబాద్లోని వివిధ ప్రాంతాలకు తీసుకువెళ్తున్నట్లుగా నిందితులు చెప్పారు. మానవ అక్రమ రవాణాను నిరోధించాల్సిన బాధ్యత ప్రతి ఒక్కరిపై ఉందని బాలల సంక్షేమ సమితి ఛైర్పర్సన్ భారతరాణి అన్నారు.
తాత్కాలికంగా చిల్డ్రన్స్ కి షెల్టర్ ఏర్పాటు చేసినట్లు తెలిపారు. అక్రమ రవాణా చేసే వారిపై చర్యలు తీసుకుంటామని అన్నారు. కార్యక్రమం లో బచ్పన్ బచావో ఆందోళన్ ప్రతినిధి నరేష్, ఆర్ పీ ఎఫ్ సీ ఐ శ్రీనివాసరెడ్డి తదితరులు ఉన్నారు.
