అల్వాల్, వెలుగు : హైదరాబాద్లోని అల్వాల్పోలీస్స్టేషన్పరిధిలో దారుణం చోటుచేసుకున్నది. తన అన్న కూతురిని ప్రేమిస్తున్నాడన్న కోపంతో అమ్మాయి బాబాయ్, పిన్ని, మరొకరు ..యువకుడి తల్లిదండ్రులపై పెట్రోల్పోసి నిప్పంటించారు. 50 శాతం శరీరం కాలడంతో యువకుడి తండ్రి పరిస్థితి విషమంగా మారింది. పోలీసుల కథనం ప్రకారం..అల్వాల్మచ్చబొల్లారం గోపాల్నగర్ఎరుకల బస్తీలో ఉండే ప్రకాశ్ (45) కూలీ. ప్రకాశ్కొడుకు ప్రదీప్ ఓ అమ్మాయిని ప్రేమించాడు. ఈ విషయంపై గతంలో చాలా సార్లు గొడవలు జరిగాయి. దీంతో ప్రదీప్పై అమ్మాయి బాబాయ్నందకుమార్, పిన్ని లక్ష్మి, నందకుమార్తల్లి కక్ష పెంచుకున్నారు.
ఆగ్రహంతో మంగళవారం రాత్రి పెట్రోల్బాటిల్తో ప్రదీప్ ఇంటికి వెళ్లారు. ఆ సమయంలో ప్రదీప్ లేకపోవడంతో ఆయనతండ్రి ప్రకాశ్, తల్లి హేమలతపై పెట్రోల్పోసి నిప్పంటించి, అక్కడి నుంచి పరారయ్యారు. ప్రకాశ్ కేకలు వేయడంతో చుట్టుపక్కల వారు వచ్చి మంటలను అదుపు చేశారు. ఈ ఘటనలో హేమలతతోపాటు పక్కనే ఉన్న నాలుగేండ్ల చిన్నారి స్వల్పంగా గాయపడింది. ఈ పాప పక్కింట్లో ఉంటూ ప్రదీప్ఇంటికి ఆడుకోవడానికి వచ్చింది. తీవ్రంగా గాయపడిన ప్రకాశ్ను గాంధీ దవాఖానకు తరలించారు. అతడి పరిస్థితి విషమంగా ఉందని డాక్టర్లు చెప్పారు. కేసు నమోదు చేసుకున్న అల్వాల్ పోలీసులు దర్యాప్తు చేస్తున్నారు.
