సెలెబ్రిటీల జీవితాల్లో ఎవరికీ తెలియని విషయాలను తెలియజేసేలా సాగుతున్న రియాల్టీ షోలకు తెలుగులో మంచి ఆదరణ దక్కుతోంది. తాజాగా ‘ది రానా దగ్గుబాటి షో’ పేరుతో కొత్త షోను స్టార్ట్ చేశాడు. స్పిరిట్ మీడియా బ్యానర్‌‌‌‌‌‌‌‌పై రానా నిర్మిస్తూ, హోస్ట్ చేస్తున్న ఈ ఒరిజినల్ సిరీస్‌, ఎనిమిది ఎపిసోడ్‌‌‌‌‌‌‌‌లుగా అమెజాన్ ప్రైమ్‌‌‌‌‌‌‌‌లో ఈనెల 23 నుంచి స్ట్రీమింగ్ కానుంది. శుక్రవారం షో ట్రైలర్‌‌‌‌‌‌‌‌‌‌‌‌‌‌‌‌ను రిలీజ్ చేశారు.
ఇందులో దర్శకులు రాజమౌళి, రామ్ గోపాల్ వర్మలతో పాటు హీరోలు నాని, నాగచైతన్య, దుల్కర్ సల్మాన్, సిద్ధు జొన్నలగడ్డ, రిషబ్ శెట్టి, హీరోయిన్ శ్రీలీల సహా పలువురు ఈ టాక్ షోలో తమ అభిప్రాయాలను పంచుకున్నారు. ఈ సందర్భంగా నిర్వహించిన ప్రెస్‌‌‌‌‌‌‌‌మీట్‌‌‌‌‌‌‌‌లో రానా మాట్లాడుతూ ‘ఇది ఆర్డినరీ టాక్ షో కాదు. వెరీ అథెంటిక్, అన్ ఫిల్టర్డ్, అన్‌‌‌‌‌‌‌‌స్క్రిప్టెడ్ షో. మా మాటలు, మేము పంచుకునే సమయాన్ని మరింత సరదాగా సహజంగా ప్రజెంట్ చేస్తుంది. ప్రేక్షకులకు డిఫరెంట్‌ అండ్ హైలీ ఎంటర్‌‌‌‌‌‌‌‌‌‌‌‌‌‌‌‌టైనింగ్ ఎక్స్‌‌‌‌‌‌‌‌పీరియెన్స్ ఇస్తుంది’ అని చెప్పాడు.
