సోమవారం(జులై 29) దక్షిణ రష్యాలో 800 మంది ప్రయాణికులతో వెళ్తున్న రైలు లెవెల్ క్రాసింగ్‌లో ట్రక్కును ఢీకొంది. ఈ ఘటనలో పలు రైలు క్యారేజీలు(భోగీలు) చెల్లాచెదురుగా పడగా.. దాదాపు 140 మంది ప్రయాణికులు గాయపడ్డారు.
ఈ రైలు టాటర్‌స్థాన్‌లోని కజాన్ నుండి నల్ల సముద్రం మీదుగా అడ్లెర్‌కు ప్రయాణిస్తుండగా ఈ ఘటన చోటుచేసుకుంది. మాస్కోకు దక్షిణంగా 1,200 కిలోమీటర్ల దూరంలో ఉన్న కొటెల్నికోవో స్టేషన్ సమీపంలోని దక్షిణ వోల్గోగ్రాడ్ ప్రాంతంలో పట్టాలు తప్పిందని అత్యవసర మంత్రిత్వ శాఖ తెలిపింది. రైలు డ్రైవర్, ట్రాఫిక్ నిబంధనలను ఉల్లంఘించి క్రాసింగ్‌లోకి ప్రవేశించడం వల్లే ఈ ఘటన జరిగినట్లు రష్యన్ రైల్వే తెలిపింది.
ఈ ఘటనలో ఇద్దరు వ్యక్తులు మరణించారని, అయితే రష్యా అధికారులు దానిని ధృవీకరించలేదన్న మాటలు వినపడుతున్నాయి. సహాయక చర్యలు కొనసాగుతున్నాయి. పట్టాలు తప్పిన క్యారేజీలలోని ప్రయాణికులను బయటకు తీసుకొచ్చేందుకు సిబ్బంది శ్రమిస్తున్నట్లు రష్యా అత్యవసర మంత్రిత్వ శాఖ తెలిపింది.
At least 140 people were injured when a train carrying 800 passengers smashed into a truck, causing eight carriages to derail near Kotelnikovo station, Volgograd region, Russia 🇷🇺
— DISASTER TRACKER (@DisasterTrackHQ) July 29, 2024
▪︎ 29 July 2024 ▪︎ pic.twitter.com/KQzWqGG3dA
