బోధన్,వెలుగు : బోధన్ పట్టణంలోని కోర్టు ఆవరణలో పోలీసులకు శిక్షణ తరగతులు నిర్వహించారు. ఈ శిక్షణ తరగతులు రాష్ట్ర డైరెక్టర్ ఆఫ్ ప్రాసిక్యూషన్ వైజయంతి, డిప్యూటీ డైరెక్టర్ ఆఫ్ ప్రాసిక్యూషన్ లక్ష్మి నరసయ్య ఆదేశాల మేరకు నిర్వహిస్తున్నట్లు అడిషనల్ పబ్లిక్ ప్రాసిక్యూటర్ డాక్టర్ సమ్మయ్య తెలిపారు. పోలీసులకు భారతీయ న్యాయ సంహిత 2023, భారతీయ నాగరిక సురక్షణ సంహిత 2023
భారతీయ సాక్ష్య అధినియం న్యాయం 2023 చట్టాలపై అడిషనల్ పబ్లిక్ ప్రాసిక్యూటర్లు డాక్టర్ సమయ్య, శ్యామ్ రావ్, అసిస్టెంట్ పబ్లిక్ ప్రాసిక్యూటర్ చిదిరాల రాణి అవగాహన కల్పించారు. కార్యక్రమంలో రుద్రూర్ సీఐ జయేశ్ రెడ్డి, వర్ని ఫారెస్ట్ రేంజ్ ఆఫీసర్ పి.పద్మరావు, ఎస్సైజ్ సీఐ బి.పవన్ గౌడ్, బోధన్, కోటగిరి, రుద్రూర్ ఎస్సైలు రామారావు, సందీప్, అప్పారావు, పోలీసులు పాల్గొన్నారు.
