సికింద్రాబాద్, వెలుగు: సికింద్రాబాద్,హైదరాబాద్ డివిజన్లలో ట్రాక్ మెయింటెనెన్స్పనుల కారణంగా సోమవారం నుంచి ఈనెల 11వ తేదీ వరకు పలు రైళ్లను రద్దు చేశారు. కాజీపేట, డోర్నకల్, విజయవాడ, భద్రాచలం రోడ్ , సిర్పూర్ టౌన్, బల్లార్షా, సికింద్రాబాద్, వరంగల్,హైదరాబాద్, కరీంనగర్, నిజామాబాద్ ప్రాంతాల మధ్య నడిచే రైళ్లను రద్దు చేసినట్లు రైల్వే అధికారులు తెలిపారు. ప్రయాణికులు ప్రత్యామ్నాయ మార్గాలను చూసుకోవాలని సూచించారు.
ఎంఎంటీఎస్ లు కూడా..
సిటీలోని వివిధ స్టేషన్ల మధ్య నడిచే 16 ఎంఎంఎటీఎస్ రైలు సర్వీసులను కూడా రద్దు చేశారు. లింగంపల్లి– హైదరాబాద్, హైదరాబాద్–లింగంపల్లి మధ్య 4 సర్వీసులు, లింగంపల్లి –ఫలక్నుమా, ఫలక్నుమా– లింగంపల్లి మధ్య 1 సర్వీసు, ఉందానగర్– లింగంపల్లి మధ్య, లింగంపల్లి– ఉందానగర్ మధ్య 2 సర్వీసులు, లింగంపల్లి–హైదరాబాద్-లింగంపల్లి మధ్య 2 సర్వీసులను రద్దు చేసినట్లు రైల్వే అధికారులు వెల్లడించారు. ఈనెల 10 వరకు రద్దు కొనసాగుతుందని, ప్యాసింజర్లు ప్రత్యామ్నాయ రవాణా సౌకర్యాలు చూసుకోవాలని సూచించారు.
