మేడ్చల్/కీసర, వెలుగు: గుండ్లపోచంపల్లి మున్సిపాలిటీలో విలీనమైన మునీరాబాద్ పంచాయతీ రికార్డులను గ్రామ సెక్రెటరీ మంగళవారం మున్సిపల్ కమిషనర్ స్వామి, మేనేజర్ శ్రీనివాస్ గౌడ్కు అందజేశారు. నాగారం మున్సిపాలిటీలో విలీనమైన గోధుమకుంట, కరీంగూడ, రాంపల్లి దయారా, బోగారం సెక్రెటరీల నుంచి స్పెషల్ ఆఫీసర్ బి.శ్రీనివాస్, మున్సిపల్ కమిషనర్ జి.రాజేందర్ కుమార్ రికార్డులు స్వాధీనం చేసుకున్నారు. దమ్మాయిగూడలో విలీనమైన నర్సంపల్లి, తిమ్మాయిపల్లి, చీర్యాల, కీసర, యాద్గార్పల్లి, అంకిరెడ్డిపల్లి రికార్డులను మున్సిపల్ కమిషనర్ ఎ.నాగమణి స్వాధీనం చేసుకున్నారు.
