![యాదాద్రిలో 56 మంది ఉద్యోగుల బదిలీ](https://static.v6velugu.com/uploads/2024/07/transfers-of--employees-in-yadadri-district-is-going-on-as-per-jio-number-80_sIWV2whncZ.jpg)
యాదాద్రి, వెలుగు: యాదాద్రి జిల్లాలో ఉద్యోగుల బదిలీ ప్రక్రియ కొనసాగుతోంది. జీవో నంబర్ 80 ప్రకారం నాలుగేండ్లు పైబడి ఒకేచోట పనిచేస్తున్న జూనియర్ అసిస్టెంట్ నుంచి కిందిస్థాయి ఉద్యోగులు బదిలీ కోసం ఇదివరకే ఆప్షన్లు చేసుకున్నారు. ఇందులో భాగంగా యాదాద్రి కలెక్టరేట్లో ఎడ్యూకేషన్, అగ్రికల్చర్, పంచాయతీరాజ్, సహకార, మహిళా శిశు సంక్షేమ, ట్రైజరీ, బీసీ, గిరిజన సంక్షేమ, మార్కెటింగ్, వైద్యారోగ్య, పశు సంవర్ధక, ఆర్అండ్ బీ డిపార్ట్మెంట్లకు చెందిన ఉద్యోగులకు అడిషనల్కలెక్టర్లు పీ బెన్ షాలోమ్, గంగాధర్ నేతృత్వంలో మంగళవారం కౌన్సిలింగ్నిర్వహించారు.
సీనియార్టీ ఆధారంగా 56 మంది ఉద్యోగులను బదిలీ చేశారు. బుధవారం మొహరం సెలవు కావడంతో గురువారం రెవెన్యూ, జడ్పీ, ఇంటర్ ఎడ్యూకేషన్, ఎస్సీ సంక్షేమ శాఖల ఉద్యోగులను కౌన్సిలింగ్నిర్వహించనున్నారు. కౌన్సిలింగ్లో కలెక్టరేట్ ఏవో జగన్మోహన్ప్రసాద్, వివిధ డిపార్ట్మెంట్ల ఆఫీసర్లు, ఉద్యోగుల అసోసియేషన్ లీడర్లు మందడి ఉపేందర్ రెడ్డి, భగత్, ఎండీ ఖదీర్ ఉన్నారు.