ఫార్మాట్ ఏదైనా.. ప్రత్యర్థి ఎవరైనా.. వేదిక ఎక్కడైనా ఆస్ట్రేలియా బ్యాటర్ ట్రావిస్ హెడ్ విధ్వంసం ఆగనిది. ప్రస్తుత ప్రపంచ క్రికెట్ లో టాప్ బ్యాటర్లలో ఒకడైన హెడ్ మరో సూపర్ ఇన్నింగ్స్ తో మెరిశాడు. శ్రీలంకపై గాలే వేదికగా బుధవారం (జనవరి 29) తొలి రోజు ఆటలో భాగంగా మెరుపులు మెరిపించాడు. 35 బంతుల్లోనే హాఫ్ సెంచరీ పూర్తి చేసుకొని ఆసీస్ కు సూపర్ స్టార్ట్ ఇచ్చాడు. ఓపెనర్ గా బరిలోకి దిగిన హెడ్.. తొలి ఓవర్ నుంచే లంకపై ఎదురు దాడికి దిగాడు.
ఇన్నింగ్స్ తొలి ఓవర్ లోనే అసిత ఫెర్నాండో బౌలింగ్ లో మూడు ఫోర్లు బాదాడు. మొత్తం 40 బంతుల్లో 10 ఫోర్లు, సిక్సర్ తో 57 పరుగులు చేసి ఔటయ్యాడు. ఇటీవలే ముగిసిన బోర్డర్ గవాస్కర్ ట్రోఫీలో టీమిండియాపై ఆధిపత్యం చూపించి అత్యధిక పరుగులు చేసిన వీరుడిగా నిలిచిన హెడ్.. శ్రీలంకపై తన సూపర్ ఫామ్ ను కొనసాగిస్తున్నాడు. హెడ్ రాణించడంతో ప్రస్తుతం శ్రీలంక పటిష్ట స్థితిలో నిలిచింది. ప్రస్తుతం 23 ఓవర్లలో వికెట్ నష్టానికి 122 పరుగులు చేసింది. క్రీజ్ లో ఖవాజా (48), లబుషేన్ (16) ఉన్నారు.
ఈ మ్యాచ్ లో ఆస్ట్రేలియా, శ్రీలంక జట్లు కేవలం ఒక సఫాస్ట్ బౌలర్ తోనే బరిలోకి దిగారు. పిచ్ స్పిన్ కు అనుకూలిస్తుండడంతో ఇరు జట్లు ముగ్గురు స్పిన్నర్లతో తుది జట్టును ప్రకటించారు. రెగ్యులర్ కెప్టెన్ కమ్మిన్స్ టెస్ట్ సిరీస్ కు దూరం కావడంతో స్టీవ్ స్మిత్ కెప్టెన్సీ చేయనున్నాడు. ట్రావిస్ హెడ్ వైస్ కెప్టెన్సీ చేయనున్నాడు. ఇప్పటికే డబ్ల్యూటీసీ ఫైనల్ కు ఆస్ట్రేలియా, సౌతాఫ్రికా జట్లు చేరుకోగా ఈ సిరీస్ నామమాత్రం కానుంది.
Travis Head scored 57 (40) with 10 fours and a six while opening for Australia. 🙇♂️ pic.twitter.com/I4DPoSlAiM
— Mufaddal Vohra (@mufaddal_vohra) January 29, 2025
