రాష్ట్ర సర్కారు తీరుతో ఆదిలోనే బ్రేక్
భద్రాచలం, వెలుగు : అంతరించిపోతున్న ఆదివాసీల కళలకు జీవం పోయాలన్న లక్ష్యంతో ఏర్పాటు చేయాలనుకున్న ట్రైబల్ఆర్ట్స్స్కూల్స్ఆదిలోనే ఆగిపోయాయి. ట్రైబల్ కల్చర్రీసెర్చ్ అండ్ట్రైబల్ ఇన్స్టిట్యూట్(టీసీఆర్అండ్ టీఐ), ట్రైబల్వెల్ఫేర్డిపార్ట్మెంట్లు సంయుక్తంగా రాష్ట్రంలోని ఐటీడీఏల పరిధిలో ట్రైబల్ఆర్ట్స్ స్కూల్స్ ను ఏర్పాటు చేయాలనుకున్నాయి. ఆదివాసీ కళాకారులు గుస్సాడీ కనకరాజు, డోలీ సకినెం రామచంద్రయ్యలకు కేంద్రం పద్మశ్రీ అవార్డులు ఇచ్చిన నేపథ్యంలో తెలంగాణ సర్కారు ఆదివాసీ కళల పునరుద్ధరణకు ఈ నిర్ణయం తీసుకుంది. నేటి తరం గిరిజన యువతకు వారి సంప్రదాయ కళలను నేర్పించాలనేది ఈ ఆర్ట్స్ స్కూళ్ల లక్ష్యం. ఈ విద్యా సంవత్సరమే వీటిని తెరిచి ట్రైనింగ్ ఇవ్వాలని ఆదేశాలు కూడా వచ్చాయి. కానీ బడ్జెట్మాత్రం రిలీజ్ చేయలేదు. దీంతో రాష్ట్రంలోని ఉట్నూరు(అదిలాబాద్), భద్రాచలం(భద్రాద్రి కొత్తగూడెం)లలో ఆర్ట్స్ స్కూళ్లు తెరిచి మూసేశారు. ఏటూరునాగారం(ములుగు)లో ఓపెన్కూడా చేయలేదు.
కాగితాల్లోనే అంతా...!
భద్రాచలంలో రేలా, డోలీ, కొమ్ముడ్యాన్స్ కళలపై ట్రైనింగ్ ఇచ్చేందుకు పద్మశ్రీ అవార్డు గ్రహీత డోలీ కళాకారుడు సకినెం రామచంద్రయ్యను, ఉట్నూరులో గుస్సాడీ కళాకారుడు పద్మశ్రీ కనకరాజును, ఏటూరునాగారంలో కొమ్ము డ్యాన్స్ శిక్షణకు బీసా ముండాలను చీఫ్ మాస్టర్లుగా నియమిస్తూ ట్రైబల్వెల్ఫేర్ డిపార్ట్మెంట్ఉత్తర్వులు జారీ చేసింది. వీరికి గౌరవ వేతనంగా రూ.20వేలు ఇస్తున్నట్లుగా ప్రకటించి, స్కూళ్ల ఏర్పాటు బాధ్యత లోకల్ఐటీడీఏలకు అప్పగించింది. దీంతో ఐటీడీఏల్లో భవనం ఏర్పాటు, చీఫ్ మాస్టర్లకు రూం, ఫర్నిచర్తదితర మౌలిక సదుపాయాలు ఐటీడీఏలు కల్పించాయి. ఇంత వరకు అన్నీ సవ్యంగానే సాగాయి. జూన్ నెల నుంచే ఈ స్కూళ్లు షురూ కావాలి. ఒక్కో స్కూలులో ఆయా కళలకు చెందిన 15 మంది కళాకారులతో ఐదేసి టీంలను ఏర్పాటు చేశారు. వీరు ఎంపిక చేసుకున్న ఆశ్రమ పాఠశాలలకు వెళ్లి దశల వారీగా ట్రైనింగ్ఇస్తారు. చీఫ్ మాస్టర్కు గౌరవ వేతనంతో పాటు, ఎంపిక చేసిన 15 మంది కళాకారులకు వేతనం, టీఏ,డీఏలు, ఇతర ట్రైనింగ్ఖర్చులకు బడ్జెట్ విషయంపై ట్రైబల్ వెల్ఫేర్డిపార్ట్మెంట్నుంచి ఎలాంటి నిధులు రాలేదు. దీంతో ఉట్నూరులో ఒక నెల పాటు ట్రైనింగ్ఇచ్చి తర్వాత ఆపేశారు. భద్రాచలం ఐటీడీఏలో కూడా ఇదే జరిగింది. భద్రాచలం ఐటీడీఏ నుంచి ట్రైబల్ఆర్ట్స్ స్కూల్నిర్వహణకు రూ.15లక్షలతో బడ్జెట్ప్రతిపాదనలు పంపించారు. కానీ ఇప్పటికీ పైసా విదల్చలేదు.
బడ్జెట్ ప్రతిపాదనలు పంపినం
ట్రైబల్ ఆర్ట్స్ స్కూల్కు ఐటీడీఏ నుంచి కావాల్సిన మౌలిక సదుపాయాలు కల్పించినం. బడ్జెట్ ఎస్టిమేషన్స్ వేసి పంపినం. కమిషనర్ పరిశీలిస్తున్నరు. త్వరలోనే నిధులు వస్తాయనుకుంటున్నా. రాగానే స్టూడెంట్లకు ట్రైనింగ్షురూ చేస్తం.
– డేవిడ్రాజ్, ఏపీఓ జనరల్,
ఐటీడీఏ, భద్రాచలం
చాలా దారుణం
ఆర్ట్స్ స్కూళ్లకు బడ్జెట్ కేటాయించకపోవడం దారుణం. ఆదివాసీ కళలను కాపాడుతామని ప్రకటించడం కాదు అందుకు కావాల్సిన నిధులు ఇవ్వడం కూడా సర్కారుదే బాధ్యతే. ప్రభుత్వ నిర్వాకం వల్ల స్కూళ్లు మూతపడ్డాయి. వెంటనే నిధులు విడుదల చేయాలి.
– దుర్గారెడ్డి, ఆదివాసీ కొండరెడ్ల సంఘం నాయకులు,భద్రాచలం
