భద్రాచలం, వెలుగు : త్వరలో జరిగే అథ్లెటిక్స్ పోటీల కోసం దేశవ్యాప్తంగా నిర్వహిస్తున్న ఐదు క్యాంపుల్లో భోపాల్ క్యాంపునకు భద్రాద్రికొత్తగూడెం జిల్లా భద్రాచలం గిరిజన గురుకులం పదవ తరగతి విద్యార్థిని పడిగె ఇందూ ఎంకైయ్యారు. ఇటీవల రాజస్థాన్లో జరిగిన నేషనల్అథ్లెటిక్స్ మీట్లో పాల్గొని 100 మీటర్లు, 200 మీటర్లు, 400 మీటర్లు పరుగుపందెం, షాట్పుట్, లాంగ్జంప్, హైజంప్, డిస్క్ త్రో క్రీడాంశాల్లో మెడల్స్ సాధించింది. దీంతో ఆమెను ఎన్ఐడీజేఏఎం-24కు ఎంపిక చేశారు. అండర్-14 విభాగంలో ఇందూను తీసుకున్నారు.
15 రోజుల పాటు జరిగే ఈ కోచింగ్కు ఆమె భోపాల్కు బయలుదేరి వెళ్లింది. ఈఎం ఆర్ఎస్ జాతీయ క్రీడల్లో ఛాంపియన్గా, ఇంటర్ సొసైటీ లీగ్ పోటీల్లో అండర్ -14 విభాగంలో వ్యక్తిగత ఓవరాల్ ఛాంపియన్షిప్ను సాధించింది. జిల్లాలోని లక్ష్మీదేవిపల్లి మండలం గట్టుమల్లె గ్రామానికి చెందిన ఈ గిరిజన బిడ్డ ఇండియా అథ్లెటిక్స్ క్యాంపునకు ఎంపిక కావడం పట్ల ఐటీడీఏ పీవో రాహుల్, గురుకులం ఆర్సీవో వెంకటేశ్వరరాజు హర్షం వ్యక్తం చేశారు.
