కోల్బెల్ట్, వెలుగు: ఏజెన్సీ ప్రాంతమైన మందమర్రిలో గ్రామసభలు లేకుండా డబుల్ బెడ్రూం ఇండ్ల కేటాయింపు ఎలా చేస్తారని, కార్యక్ర మాన్ని నిలిపివేయాలని ఆదివాసీ సంఘం లీడర్లు డిమాండ్ చేశారు. మంగళవారం మందమర్రి తహసీల్దార్ సతీశ్ కుమార్ను కలిసి వినతిపత్రం అందజేశారు. గ్రామసభలు, గ్రామ కమిటీల నిర్వహించకుండా బుధవారం లబ్ధిదారులకు ఇండ్లు కేటాయించాలని ఆఫీసర్లు నిర్ణయం తీసుకున్నారని, దీన్ని విరమించుకోవాలన్నారు. ఇది ఏజెన్సీ యాక్ట్కు విరుద్ధమన్నారు. ఆదివాసీ సంఘం నాయకులు రాజకుమార్, భార్గవ్, బైరనేని లక్ష్మణ్, శ్రీనివాస్, భీంసేన్, అరుణ్, రాయమల్లు, రమణ, రాజేశ్తదితరులు పాల్గొన్నారు.
అవకతవకలు జరిగాయని సంఘాల ఫిర్యాదు
డబుల్ బెడ్రూం ఇండ్ల కోసం ప్రకటించిన లబ్ధిదారుల లిస్టులో పలు అవకతవకలు జరిగా యని.. అనర్హులు, సొంత ఇండ్లు ఉన్నవారి పేర్లు జాబితాలో వచ్చాయని పలు సంఘాలు ఫిర్యాదు చేశాయి. బుధవారం ఉదయం 11 గంటలకు మందమర్రి సింగరేణి సీఈఆర్ క్లబ్లో లబ్ధిదారులకు లాటరీ ద్వారా ఇండ్లు కేటాయిస్తామని తహసీల్దార్ సతీశ్ కుమార్ తెలిపారు.
